मुंबई : मुंबई महापालिका निवडणुकांना अद्यापही वर्षभराचा अवधी असताना मुंबईतील स्थानिक राजकीय हालचालींना वेग आला आहे. नवी मुंबईतील अनेक नागरसेवकांनी भाजपला सोडचिट्ठी देत शिवसेना आणि राष्ट्रवादी काँग्रेसची वाट धरली असतानाच आता मुंबई भाजपच्या माजी सचिवांनी हाती शिवबंधन बांधलं आहे.
मुंबई भाजपचे माजी सचिव समीर देसाई यांनी भाजपला रामराम ठोकून शिवसेनेत प्रवेश केला आहे. समीर देसाई हे काँग्रेसचे माजी खासदार गुरूदास कामत यांचे भाचे आहेत. तसंच ते काँग्रेसचे माजी नगरसेवकही होते. काँग्रेसमधून भाजपमध्ये प्रवेश केला होता. मात्र, अंतर्गत गटबाजीला कंटाळून त्यांनी आता शिवसेनेची वाट धरल्याचे समोर येत आहे. मुख्यमंत्री उद्धव ठाकरे यांच्या उपस्थितीत मातोश्रीवर हा पक्ष प्रवेश पार पडला.
२०१४ देशभरात भाजपला प्रचंड यश मिळालं. महाराष्ट्रात देखील भाजपने सत्ता स्थावपण केली होती. या काळात राष्ट्रवादी काँग्रेस, काँग्रेससह शिवसेनेतील काही नेत्यांनी देखील भाजपमध्ये प्रवेश केला होता. २०१९ च्या विधानसभा निवडणुकांपूर्वी देखील भाजपमध्ये जोरदार इनकमिंग सुरु होती. आता, राज्यातील सत्ता महाविकास आघाडीकडे गेल्यानंतर भाजपच्या अनेक नेत्यांनी भाजपला सोडचिट्ठी दिल्याचे दिसून येत आहे. दरम्यान, येत्या काळात अनेक भाजपा आमदार महाविकास आघाडीमधील पक्षांमध्ये प्रवेश करतील असं भाकीत नेत्यांकडून करण्यात येत आहे.
महत्वाच्या बातम्या
- महाभारताचा उल्लेख करत काँग्रेस नेत्याचं पंतप्रधान नरेंद्र मोदी यांच्यावर टीकास्त्र
- मुंबई लोकल २९ जानेवारी किंवा १ फेब्रुवारीपासून सर्वसामान्यांसाठी सुरु होण्याची शक्यता – महापौर
- प्रजासत्ताक दिनी ‘महाराष्ट्र देशा’च्या औरंगाबाद कार्यालयाचे शानदार उद्घाटन
- ‘दिल्लीतील हिंसा हा शेतकरी आंदोलनाला बदनाम करण्याचा भाजपचा सुनियोजित कट’
- आता सरकार आंदोलकांशी चर्चा करणार का ? जावडेकर स्पष्टपणे म्हणाले….
बातम्यांसाठी YouTube चॅनेल Subscribe करा
Subscribe Now
