मुंबई : राज्यात गेल्या काही दिवसांपासून एसटी कर्मचाऱ्यांचे आंदोलन सुरु आहे. एसटी महामंडळचे राज्य सरकारमध्ये विलीनीकरण करण्याच्या प्रमुख मागणीसाठी एसटी कर्मचाऱ्यांनी एसटी बंद आंदोलन केले आहे. राज्य सरकारविरोधात एसटी कर्मचाऱ्यांनी केलेल्या आंदोलनामध्ये भाजपने जाहीर पाठिंबा दर्शवला आहे. दिवसेंदिवस हा मुद्दा अधिकच चिघळत चालला आहे. या सर्व प्रकरणावरुन विधान परिषदेचे विरोधी पक्षनेते प्रविण दरेकर यांनी शिवसेनेवर जोरदार टीका केली आहे.
शिवसेनेने सत्तेसाठी सर्व बासनात गुंडाळून ठेवलीये, असं म्हणत प्रविण दरेकरांनी शिवसेनेवर शरसंधान साधलं आहे. राज्यसरकार या कर्मचाऱ्यांच्या मागण्या तातडीने का पूर्ण करत नाही? असा सवालही विरोधक विचारत आहेत. ‘महाराष्ट्रात अलिकडच्या काळात राज्यव्यापी आंदोलन म्हणून एसटी कर्मचाऱ्यांच्या आंदोलनाकडे पाहता येईल. एसटीच्या या संप आणि आंदोलनाबाबत प्रवाशांनीही कोणताच आक्षेप घेतलेला नाही. कारण प्रवाशांनाही सेवा देणाऱ्या एसटी कर्मचाऱ्यांच्या संवेदना, भावना माहिती आहेत’, असं प्रविण दरेकर म्हणाले आहेत.
एसटी कर्मचार्यांविषयी राज्यसरकारची भावना सहानुभूती आणि संवेदनशील दिसत नाही. या सरकारला अजून किती कर्मचाऱ्यांचे बळी हवे आहेत, हे त्यांनी सांगावं. आता जर कर्मचार्यांना न्याय दिला नाही तर त्यांच्या भावनांचा उद्रेक होऊन परिस्थिती हाताबाहेर जाईल आणि याला संपूर्णतः राज्यसरकार जबाबदार असेल, असे सूचक वक्तव्य प्रविण दरेकरांनी केले आहे.
महत्वाच्या बातम्या
- ‘आंदोलनाचा आज सातवा दिवस, या बिनकाळजाच्या सरकारला कधी जाग येणार?’
- नोव्हेंबर महिन्यात पुढील सहा दिवस राहणार बँक बंद; जाणून घ्या
- ठाकरे सरकारकडून प्राध्यापक भरतीचा निर्णय जारी; मानधनातही वाढ!
- पत्रलेखाने लग्नाच्या ओढणीवर राजकुमारसाठी लिहिला ‘हा’ खास संदेश
- वडील पट्टा लावून आडवे झालेत मुलगा परदेशात सेट झाला; निलेश राणेंची टीका
बातम्यांसाठी YouTube चॅनेल Subscribe करा
Subscribe Now
