बीड : शहरातील बलभीम नगर, पेठ बीड भागातील शिवसंग्रामचे विनोद हातागळे आणि त्यांच्या शेकडो सहकाऱ्यांनी राष्ट्रवादी काँग्रेसचे आमदार संदिप क्षीरसागरांच्या नेतृत्वाखाली राष्ट्रवादीत प्रवेश केला. पेठ बीड भागातील या प्रवेशाने शिवसंग्रामला धक्का बसला असून राष्ट्रवादी कॉंग्रेसमध्ये प्रवेश करणाऱ्या युवकांची संख्या वाढु लागली आहे.
आगामी नगर पालिका निवडणूकीत आपल्याच विचारांची सत्ता असेल, कोणाच्या दबावाला, अमिषाला बळी पडू नका, ये तो झाकी हैं, नगर पालिका बाकी हैं, जनतेचे आशिर्वाद आपल्या सोबत आहेत. त्यामुळे कोणालाही घाबरण्याची गरज नाही असे प्रतिपादन आ.क्षीरसागर यांनी यावेळी केले.
यावेळी माजी आमदार सय्यद सलीम, माजी आमदार सुनिल धांडे, आसाराम गायकवाड, अशोक वाघमारे, भाऊसाहेब डावकर, झुंजार धांडे, अशोक रोमण, इरफान बागवान, जयमल्हार बागल, जावेदभाई कुरेशी, पंकज बाहेगव्हाणकर इत्यादी उपस्थित होते.
संदिप क्षीरसागर यांनी कार्यकर्त्यांशी मनमोकळेपणे संवाद साधला. आपण शांत आहोत पण येणाऱ्या काळात ही शांतता काय असते दाखवून देऊ. जेष्ठांचे आशिर्वाद, जनतेची साथ आपल्या सोबत आहे. भविष्यात आपल्या विचारांची नगर पालिका निवडणूकीत सत्ता असेल असा विश्वास व्यक्त करत कोणाला घाबरू नका, जोमाने कामाला लागा. या भागाचा विकास करण्यासाठी आपण कटीबद्ध असल्याची ग्वाही आ.संदिप क्षीरसागर यांनी दिली.
महत्वाच्या बातम्या
- पिंपरी-चिंचवडमध्ये नाराज भाजप नगरसेवक अजितदादांच्या भेटीला; राजकीय भूकंपाची शक्यता !
- …म्हणून भिकारड्या शिवसैनिकांच्या पोटात दुखणारचं, निलेश राणेंचा प्रहार !
- पवार ना कधी क्रिकेट खेळले ना कुस्तीत उतरले, तरीही ते समित्यांचे अध्यक्ष होते; सदाभाऊंचा टोला
- पाच राज्यातील विधानसभा निवडणुका लढवणार : रामदास आठवले
- देशात काय मोगलाईचं राज्य आहे का ? अजित पवार संतापले
