Eknath shinde and Devendra Fadanvis | मंत्रिपदासाठी शिंदे-फडणवीस सरकारमध्ये रस्सीखेच! बंड थंड होईल का?

🕒 1 min read

मुंबई : एकनाथ शिंदे – देवेंद्र फडणवीस सरकारच्या मंत्रिमंडळ विस्ताराची तारीख निश्चित झाली आहे. यासोबतच मंत्रिमंडळात सहभागी होण्यासाठी विशेष अट घालण्यात आली आहे. त्यानुसार स्वच्छ प्रतिमेच्या आमदारांनाच मंत्रीपद दिले जाणार आहे. यानंतर माजी मंत्री अब्दुल सत्तार यांच्या नावावर कात्री चालवल्याचे दिसत आहे. विशेष म्हणजे शिक्षक पात्रता चाचणी घोटाळ्यात सत्तार यांच्या मुलींचे नाव समोर आले आहे. अशा स्थितीत सत्तार यांचा सरकारमध्ये समावेश होण्याची शक्यता फारच कमी आहे.

मंत्रिमंडळ विस्तारात स्वच्छ प्रतिमेच्या नेत्यांना संधी देण्याचे शिंदे आणि फडणवीस यांनी मान्य केले आहे. त्यामुळे सत्तार यांचा पत्ता कट होण्याची दाट शक्यता आहे. टीईटी घोटाळ्यात अब्दुल सत्तार यांच्या मुली हिना आणि उज्मा यांचा समावेश आहे. दुसरीकडे मंत्रिमंडळ विस्तारात शिंदे गटाला फारसे महत्त्वाचे खाते दिले जात नसल्याची बातमी आहे.

दोन ते तीन जणांची नावे कापली जाऊ शकतात-

मिळालेल्या माहितीनुसार, भाजपकडे अर्थ, गृह आणि महसूल ही महत्त्वाची खाती असतील. यातून महसूल मंत्रालय मिळावे यासाठी शिंदे आग्रही आहेत. शिंदे यांनी पहिल्या टप्प्यात नऊ माजी मंदोन ते तीन जणांची नावे कापली जाऊ शकतात,त्र्यांना संधी देण्याचा निर्णय घेतला होता. बंडखोरी केल्यानंतर उद्धव ठाकरे सरकारच्या नऊ मंत्र्यांनी शिंदे यांना पाठिंबा दिला होता. या सर्वांना पहिल्या टप्प्यात मंत्रिपद मिळावे, अशी शिंदे यांची इच्छा होती. मात्र यातील दोन ते तीन जणांची नावे कापली जाऊ शकतात, असे मानले जात आहे.

पहिल्या टप्प्यात 15 ते 18 मंत्री शपथ घेऊ शकतात –

उपमुख्यमंत्री देवेंद्र फडणवीस यांनी आज सकाळी ठाण्यातील नंदनवन येथील एकनाथ शिंदे यांच्या बंगल्यावर भेट दिली. याबाबत दोघांमध्ये सुमारे तासभर चर्चा झाल्याचे सांगण्यात येत आहे. यावेळी मंत्रिमंडळातील सदस्यांची नावे निश्चित करण्यावर चर्चा झाल्याचे समजते. पहिल्या टप्प्यात 15 ते 18 मंत्री शपथ घेऊ शकतात. यामध्ये भाजपचे 11 ते 12 तर शिंदे गटातील 5 ते 7 आमदारांना संधी मिळू शकते. विशेष म्हणजे महाराष्ट्रात नवीन सरकार स्थापन होऊन दीड महिना उलटूनही मंत्रिमंडळाचा विस्तार झालेला नाही. यावरून विरोधकांकडून शिंदे-फडणवीस सरकारवर सातत्याने टीका होत आहे. संबंधित विभागाचे मंत्री व मंत्र्यांची नियुक्ती न झाल्याने सर्व कामेही रखडली आहेत.

महत्वाच्या बातम्या :

• Yashomati Thakur | वाढत्या अत्याचाराला सर्वस्वी शिंदे सरकार जबाबदार – यशोमती ठाकूर
• Uddhav Thackeray | “भगव्याला हात लावायचा प्रयत्न केला तर…” ; उद्धव ठाकरे यांचा इशारा
• Masoon Sawal poster conflict | पोस्टरमध्ये सॅनिटरी पॅडवर भगवान कृष्णाचा फोटो असल्याने चित्रपट निर्मात्यांविरोधात तक्रार
• Maharashtra Cabinet | उद्या मंत्रिमंडळ विस्ताराची दाट शक्यता, भाजपकडून 4 आणि शिंदे गटाकडून 4 आमदारांना फोन
• CWG 2022 : 20 वर्षाच्या पोराची कमाल! पदार्पणातच राष्ट्रकुल स्पर्धेत सुवर्णपदकावर कोरले नाव!