बीड : अवघ्या काही तासावर मतदान आलेले असताना भारतीय जनता पक्षाने बीड जिल्हा मध्यवर्ती सहकारी बँकेच्या निवडणुकीवर बहिष्कार घालत निवडणुकीतून माघार घेतली आहे. भाजप नेत्या पंकजा मुंडे यांनी पत्रकार परिषदेत ही घोषणा केली. सत्ताधाऱ्यांनी लोकशाही प्रक्रिया पायदळी तुडवल्याचा आरोप करत बहिष्कार टाकत असल्याचे पंकजा मुंडे यांनी सांगितले.
बीड जिल्हा मध्यवर्ती सहकारी बँकेच्या आठ जागांसाठी उद्या, दि. २० मार्च रोजी मतदान होत आहे. या निवडणुकीत पंकजा मुंडे आणि धनंजय मुंडे यांची प्रतिष्ठा पणाला लागली होती. गुरुवारी धनंजय मुंडे यांनी राष्ट्रवादी, काँग्रेस, शिवसेना पदाधिकारी आणि उमेदवार यांची बैठक घेऊन निवडणूक गांभीर्याने घेण्याची सूचना केली होती.
त्या अगोदर संस्था मतदार संघातील अकरा जागेवर एकही अर्ज वैध न ठरल्याने केवळ आठ जागांसाठी निवडणूक होणार होती. त्या दृष्टीने पंकजा मुंडे या आज शुक्रवारी बीड जिल्ह्यात आल्या. त्या निवडणूक बाबत काहीतरी फिल्डिंग लावतील असे वाटले होते. मात्र, जिल्हाध्यक्ष राजेंद्र मस्के यांच्या घरी आयोजित पत्रकार परिषदेत पंकजा यांनी भाजप या निवडणुकीत बहिष्कार टाकत असल्याचे सांगत खळबळ उडवून दिली आहे. भाजपने बहिष्कार टाकल्याने आता ही निवडणूक एकतर्फी होणार आहे. दरम्यान, पंकजा मुंडे यांनी का माघार घेतली हे मात्र न उलगडणारे कोडे आहे.
महत्वाच्या बातम्या
- ‘नितीन राऊत लॅविश रहा, मात्र करोडोंचा खर्च स्वतः केला की सरकारी तिजोरीतून केला हे सांगा’
- खुर्ची धोक्यात?; पवार-देशमुख भेटीत अंबानी स्फोटक प्रकरणाची चर्चा
- कोरोनाचे नियम मोडणाऱ्या क्लासेस विरोधात गुन्हा दाखल
- एसटीच्या फ्रंटलाइन कर्मचारी वर्गाची लसीकरणाकडे पाठ
- कोरोना काळात मनाने कोणतेही उपचार घेऊ नका
बातम्यांसाठी YouTube चॅनेल Subscribe करा
Subscribe Now
