लॉकडाऊनचे नियम मोडणारे शहरातील तीन पेट्रोल पंप सील

औरंगाबाद : अंशतः लॉकडाऊन अंतर्गत नियम मोडणाऱ्या शहरातील तीन पेट्रोलपंप मंगळवारी जिल्हा प्रशासनाने सील केले आहेत. दरम्यान, ही कारवाई बुधवारी देखील करण्यात आली.

कोरोना रुग्ण वाढीच्या अनुषंगाने जिल्हा प्रशासनाने ११ मार्च ते ४ एप्रिल पर्यंत अंशतः लॉकडाऊन लागू केले आहे. दरम्यान रात्री ८ ते सकाळी ५ यावेळेत बाहेर निघण्यास बंदी आहे. या दरम्यान अत्यावश्यक सेवांनाच परवानगी दिली आहे.  या दृष्टीने पेट्रोलपंपांनादेखील रात्री केवळ अत्यावश्यक सेवा असलेल्यांनाच पेट्रोल देण्यासपरवानगी दिली आहे. मात्र काही पेट्रोल पंपांकडून येणाऱ्या सर्वांना पेट्रोल दिले जात असल्याची माहिती जिल्हा प्रशासनाला मिळाली होती.यामुळे एक पथक गठीत करून रात्रीच्या वेळी शहरातील पेट्रोल पंपांची पाहणी करण्यात येत आहे. या अंतर्गत मंगळवारी २३ रोजी हर्सूल टी पॉईंट,  बाबा चौक व सेव्हन हिल येथील पेट्रोल पंपांवर अशा रितीने पेट्रोल दिले जात असल्याचे पथकाच्या निदर्शनास आले होते. यामुळे य तिन्ही पेट्रोल पंपांना सिल करण्यात आले आहे.

दरम्यान, बुधवारी रात्री ८ ते सकाळी ५ यावेळेतदेखील या पथकाने शहरातील पेट्रोल पंपांची पाहणी केली आहे. पथकात धान्य वितरण अधिकारी आर. के. मेंडके, पुरवठा निरिक्षक अशोक दराडे, पुरवठा निरिक्षक प्रदीप राठोड, चतुर्थ श्रेणी कर्मचारी सुरेश राउतमारे, वाहन चालक व्हि. के. धारकर यांचाही समावेश होता.

महत्त्वाच्या बातम्या

• रेल्वे विभागाचा मनमानी कारभार, हैद्राबाद-हडपसर रेल्वे कायमची बंद
• वयाने, अनुभवाने, संपत्तीने एवढे मोठे आहात थोडं खरं बोलायला शिका; अमृता फडणवीसांचा पुन्हा प्रहार
• ‘या’ गावात मिळणार पाच रुपयात २० लिटर पाणी !
• एन व्ही रामण्णा नवे सरन्यायाधीश ? शरद बोबडेंकडून शिफारस
• आणखीन एक बदली प्रकरण, औरंगाबादच्या निलंबित कारागृह अधीक्षकाने मागितले इच्छामरण