नवी दिल्ली: सावित्री पुलाची दुर्घटना अजूनही ताजी आहे. त्यामुळे अशी दुर्घटना पुन्हा घडू नये म्हणून सदर पुलांच्या दुरूस्तीचे काम लवकरात लवकर हाती घ्यावे, अशी विनंती सुनील तटकरे (MP Sunil Tatkare) यांनी केंद्रीय रस्ते वाहतूक मंत्री नितिन गडकरी (Union Transport Minister Nitin Gadkari) यांना केली. तसेच राष्ट्रीय महामार्ग क्र. १६६ हा रायगड किल्ल्याशी जोडावा जेणेकरून पर्यटनास चालना मिळेल. तसेच रायगड जिल्ह्यात बहुतांश ठिकाणी ६०-७० वर्षांपासूनचे जुने पुल वाहतुकीसाठी वापरात आहेत, ते कधीही कोसळू शकतात अशी त्यांची अवस्था आहे. अशी माहितीही सुनील तटकरे यांनी दिली.
तसेच महाड-इंदापूर भागातही अशा प्रकारचे काम आवश्यक आहे. गतवर्षी सदर भागात पूरामुळे खूप नुकसान झाले होते. त्यामुळे तेथील रस्त्यांची कामेही प्राधान्यक्रमाने करावीत, असे आवाहन त्यांनी केले. सोबतच केरळप्रमाणे कोकणातही मोठ्या प्रमाणात पाऊस पडतो. त्यामुळे सदर रस्त्याची दरवर्षी दूरवस्था होत असते. त्यामुळे या भागात काँक्रिटचे रस्ते बनवावेत, अशी मागणीही त्यांनी नितिन गडकरी यांच्याकडे केली आहे.
राष्ट्रवादी काँग्रेसचे खासदार @SunilTatkare यांनी आज मुंबई-गोवा महामार्गावरील आवश्यक दुरूस्तीचा प्रश्न लोकसभेत मांडला. ते म्हणाले की, मुंबई-गोवा द्रुतगती महामार्गावरील विशेषत: पनवेल ते पळस्पापर्यंतच्या मार्गाचे काम खूप दिवसांपासून प्रलंबित आहे.#LokSabha #BudgetSession2022 pic.twitter.com/PB8WB0Pdvd
— NCP-SP in Parliament (@NCP_Parliament) March 21, 2022
दरम्यान खासदार सुनील तटकरे यांनी आज मुंबई-गोवा महामार्गावरील आवश्यक दुरूस्तीचा प्रश्न लोकसभेत मांडला. ते म्हणाले की, मुंबई-गोवा द्रुतगती महामार्गावरील विशेषत: पनवेल ते पळस्पापर्यंतच्या मार्गाचे काम खूप दिवसांपासून प्रलंबित आहे. याबाबतही त्यांनी सविस्तर माहिती लोकसभेत मांडली.
महत्वाच्या बातम्या:
- १११ मिनिटे केवळ धावांचा पाऊस; २० वर्षीय खेळाडूने रचला नवीन इतिहास!
- ‘सामी सामी’ गाण्याचं मराठमोळ व्हर्जन आलं समोर, व्हिडीओ होतोय प्रचंड व्हायरल..
- शिवजयंतीवरून मनसे राष्ट्रवादीच्या नेत्यांमध्ये शाब्दिक वाद!
- VIDEO : फायर है मै..! IPL 2022पूर्वी डेल स्टेननं केलं ‘पुष्पा’ स्टाइल सेलिब्रेशन; तुम्हीच पाहा!
- ‘द महाराष्ट्र फाईल्स’ बनवण्याची बॉलिवूडमध्ये कुणात हिंमत आहे का?; मोहित कंबोज यांचा सवाल
