‘द महाराष्ट्र फाईल्स’ बनवण्याची बॉलिवूडमध्ये कुणात हिंमत आहे का?; मोहित कंबोज यांचा सवाल

🕒 1 min read

मुंबई: सध्या देशभरात आणि राज्यात ‘द कश्मीर फाईल्स’ या चित्रपटावरून राजकारण रंगताना दिसून येते आहे. काँग्रेसकडून या चित्रपटात सत्यता लपवण्यात आल्याचे म्हटले जात आहे. तर भाजपकडून हा चित्रपट म्हणजे कॉंग्रेसमुळे काश्मिरी जनतेला भोगावे लागणारे अन्याय, अत्याचार असल्याचे ज्वलंत उदाहरण म्हटले जात आहे. आता यातच भाजप नेते मोहित कंबोज (BJP leader Mohit Kamboj) यांनी थेट बॉलिवूडलाच सवाल केला आहे.

“बॉलिवूडमध्ये असे कुणी आहे का, जो हिंमत करून ‘द महाराष्ट्र फाईल्स’ आणि ‘ट्रूथ बिहाईंड दाऊद अॅंड नेतास नेक्सस’ यावर चित्रपट बनवेल.”, असे ट्वीट मोहित कंबोज यांनी केले आहे. दरम्यान ‘द कश्मीर फाईल्स’ हा चित्रपट पंतप्रधान नरेंद्र मोदी यांही बघितला असून त्यांनीही याचे कौतुक केले आहे. तर यावरच शिवसेना खासदार संजय राऊत यांनी मोदींना निशाण्यावर धरत अनेक सवाल केले आहेत.

कोई #Bollywood में हैं , जो हिम्मत कर के :-

The Maharashtra Files !
Truth Behind Dawood & Netas Nexus !

Picture बनाए !

— Mohit Kamboj Bharatiya (@mohitkamboj_) March 21, 2022

पंतप्रधान नरेंद्र मोदी यांनी पाकव्याप्त काश्मीर भारतात आणण्याची घोषणा केली होती. तेव्हा आता मोदीजी तुम्ही पाकव्याप्त काश्मीर पुन्हा हिंदुस्तानाला कधी जोडत आहात? जे वीर सावरकर यांचे स्वप्न होते ते पूर्ण झाल्याचे आम्हाला या जन्मात पाहता येईल का? असा सवाल शिवसेना खासदार संजय राऊत यांनी पंतप्रधान नरेंद्र मोदी यांना केला आहे. दरम्यान या चित्रपटावर आतापर्यंत अनेक प्रतिक्रिया उमटल्या असून काँग्रेस, राष्ट्रवादी आणि शिवसेनेकडून सत्य लपवण्यात आल्याचे म्हटले जात आहे.

महत्वाच्या बातम्या 

• शिवसेनेच्या शत्रूंनी शिवचरित्रातील ‘हा’ धडा घ्यावा- संजय राऊत
• मी सत्तेपुढे झुकणार नाही! महाराष्ट्र आणि पश्चिम बंगालचा स्वभाव एकच- संजय राऊत 
• सोनम कपूर होणार आई! इंस्टाग्रामवर पोस्ट करत दिली खुशखबरी..
• IPL 2022 : कमाल लाजवाब राहुल..! लखनऊच्या कॅप्टननं गाळला घाम; PHOTO झाले व्हायरल!
• ग्रेटच..! भल्याभल्यांना मागे टाकत ‘चिन्नाथाला’ सुरेश रैनाला मिळाला मोठा सन्मान