सहकार मंत्र्यांचा विजय तर शशिकांत शिंदे-शंभूराज देसाईंना पराभवाचा धक्का

🕒 1 min read

सातारा : सातारा जिल्हा मध्यवर्ती बँकेच्या पंचवार्षिक निवडणुकांचे निकाल जाहीर होत आहेत. यामध्ये २१ पैकी ११ उमेदवार हे बिनविरोध झाल्यामुळे १० जागांच्या निकालांकडे सर्वांचे लक्ष लागले आहे. याच पार्श्वभूमीवर आता काही धक्कादायकी निकाल जाहीर झाले असून राष्ट्रवादीचे आमदार आणि सहकार मंत्री बाळासाहेब पाटील(Balasaheb Patil) हे विजयी झाले आहेत. तर, राष्ट्रवादीचे आमदार शशिकांत शिंदे(Shashikant Shinde), शिवसेना आमदार आणि गृहराज्यमंत्री शंभूराज देसाई(Shambhuraj Desai) यांना पराभवाचा धक्का मिळाला आहे.

जावळी सोसायटी गटातून शशिकांत शिंदे यांचा केवळ एका मताने पराभव झाला, तर ज्ञानदेव रांजणे यांनी बाजी मारली. पाटण विकास सेवा सोसायटी गटात सत्यजीत विक्रमसिंह पाटणकर विजयी झाले असून त्यांचे पारंपारिक प्रतिस्पर्धी राहिलेले शिवसेना उमेदवार आणि गृहराज्यमंत्री शंभूराज देसाई यांना पराभवाचा धक्का बसला आहे. तर कराड सोसायटी गटातून सहकार मंत्री बाळासाहेब पाटील विजयी झाले असून विलासकाका उंडाळकर यांचे काँग्रेसवासी पुत्र उदयसिंह उंडाळकर यांचा पराभव झाला.

दरम्यान, सातारा जिल्हा मध्यवर्ती बँकेच्या निवडणुकीत उमेदवार शशिकांत शिंदे आणि ज्ञानदेव रांजणे यांचे कार्यकर्ते आमने-सामने आले होते. तसेच जावळी तालुक्यातील उमेदवार शशिकांत शिंदे आणि ज्ञानदेव रांजणे यांच्या कार्यकर्त्यांमध्ये देखील वाद झाल्याचे चित्र मतदान केंद्रावर पहायला मिळाले होते. पोलिसांनी या प्रकरणात हस्तक्षेप करून वाद मिटवण्याचा प्रयत्न केला.

महत्त्वाच्या बातम्या

• शरद पवार हे कधीच तोडगा काढणार नाहीत, खेळवत ठेवणं हे त्यांचं काम आहे- नारायण राणे
• ‘राज्य सरकार पाडण्यासाठी धक्के देत राहणार’, नारायण राणेंचा इशारा
• पंतप्रधान मोदींनी शेतकऱ्यांसाठी कोणत्याही शेतकरी नेत्यापेक्षा जास्त काम केलं – जेपी नड्डा
• ‘जोपर्यंत संसदेत ठराव करून हे कायदे मागे घेतले जात नाहीत, तोपर्यंत…’, राऊतांचा इशारा
• …याचे राज्यकर्त्यांनी दररोज सिंहावलोकन करायला हवे- एन. व्ही. रमण