Sanjay Raut | संजय राऊतांच्या जामीन अर्जावर आज होणार सुनावणी

🕒 1 min read

मुंबई : 1034 कोटींच्या पत्राचाळ घोटाळ्यातील आरोपी शिवसेना खासदार संजय राऊत न्यायालयीन कोठडीत आहे. अनेक वेळा त्यांच्या कोठडीमध्ये वाढ झाली आहे. अशातच संजय राऊत यांनी जामीनासाठी मुंबई सत्र न्यायालयाच्या विशेष पीएमएलए कोर्टात अर्ज केला होता त्यावर आज सुनावणी होणार आहे.

संजय राऊत यांच्या जामीन अर्जावर आज होणार सुनावणीः

संजय राऊतांनी केलेल्या जामीन अर्जावर आज सुनावणीची शक्यता आहे. संजय राऊत यांच्या लीगल टीमकडून याबाबत माहिती देण्यात आली आहे. मात्र, ईडीकडून या जामीनला विरोध करण्यात आला आहे. त्यामुळे संजय राऊत यांना जामीन मिळणार का याकडे पाहणं महत्वाचं राहिल.

तुरुंगाच्या कोठडीत संजय राऊत यांची रोजचा दिनक्रम समोर आला होता. तुरुंगात संजय राऊत आपला जास्तीत जास्त वेळ अभ्यास आणि लेखनात घालवतात. त्यांना कोणत्याही प्रकारची व्हीआयपी वागणूक देण्यात आलेली नाही. शिवसेना खासदार संजय राऊत सध्या मुंबईतील आर्थर रोड तुरुंगात आहेत. कैदी क्रमांक 8959 अशी त्यांची ओळख आहे.

दरम्यान, आज सुनावणी झाली तर संजय राऊत यांना दिलासा मिळणार का याकडे सर्वांचं लक्ष लागलं आहे. जय राऊत यांना सामान्य नियमांनुसार इतर कैद्यांना ज्या सुविधा दिल्या जातात त्याच सुविधा देण्यात आल्या आहेत. त्यांना लिहिण्यासाठी पेन आणि रजिस्टर देण्यात आले आहेत. मात्र ते लिखाण तुरुंगातून बाहेर जाऊ नये, तसेच कारागृहात काय लिहितात, याची पुरेपूर काळजी कारागृह प्रशासन घेत आहे.

महत्वाच्या बातम्याः

• Ramdas Kadam | “बाळासाहेबांचा मुलगा असल्याचा काही संशय आहे का?” रामदास कदमांचा उद्धव ठाकरेंना सवाल
• Ramdas Kadam | “नुसती दाढी वाढवून फायदा काय? लग्न तर करुन बघ म्हणजे…”; रामदास कदम
• Congress | काँग्रेस पक्षाने यंदाच्या महापालिका निवडणुकांबाबत केली ‘ही’ मोठी घोषणा
• Eknath Shinde | “…म्हणून मी शिवसेना सोडली”; एकनाथ शिंदे यांनी केलं स्पष्ट
• Eknath Shinde | “शिवसेना ही काही ठराविक लोकांची प्रायव्हेट लिमिटेड कंपनी नाही”