मुंबई: सोमवारी केंद्रीय मंत्री नारायण राणे यांनी राज्याच्या मुख्यमंत्र्यांविरोधात एक आक्षेपार्ह वक्तव्य केल्याप्रकरणी त्यांच्याविरोधात गुन्हा दाखल करण्यात आला होता. दरम्यान आज नारायण राणे यांनी हायकोर्टात याचिका दाखल केली आहे. या याचिकेवर दुपारी सुनावणी पार पडली आहे. सुनावणीदरम्यान १७ सप्टेंबरपर्यंत राणेंवर कोणतीही कठोर कारवाई न करण्याचे आदेश हायकोर्टाने दिले असून राज्य सरकारने देखील त्याबाबत हमी दिली आहे.
दरम्यान राणे सध्या पत्रकार परिषद घेत आहेत. यावेळी त्यांनी शिवसेना नेते खासदार संजय राऊत यांच्यावर निशाणा साधला आहे. राणेंवर संजय राऊत यांनी सामनातून टीका केली होती. तसेच राणे गँगस्टर असून बेताल वक्तव्य करण्यात ते माहीर असल्याचेही त्यांनी म्हटले होते. यावरच राणे यांनी संजय राऊत यांच्यावर टीकास्त्र सोडले आहे. संजय राऊत हे संपादकीय पदाच्या लायकीचे नाहीत असे वक्तव्य राणे यांनी केले आहे. जर मी गँगस्टर असतो तर शिवसेनेने मला मंत्रीपद का दिले असा सवालही त्यांनी यावेळी केला आहे.
तसेच संजय राऊत यांना नंतर उत्तर देणार असल्याचेही त्यांनी म्हटले आहे. तर शिवसेना माझ्यामुळेच वाढली असल्याचा दावाही त्यांनी यावेळी केला आहे. तसेच ‘शिवसेना वाढली त्यात आमचाही मोठा सहभाग आहे. आत्ता जे अपशब्द वापरतायेत त्यावेळी ते कुठेही नव्हते. आमचा बंदोबस्त करायचा असेल तर करू द्या. पोलिसांनी सगळं पाहावं. चिपळूणमध्ये १७ माणसं होती तिथं प्रचंड गर्दी असं सांगितले. त्यापुढे गेलो तर १३ माणसं. आमच्या घरावर किती माणसं आली मोजली नाही. आम्ही तिघंही मुंबईत नव्हतो. पोलिसांनी जे करायचं ते केले. तुम्हाला घरं नाहीत, मुलंबाळं नाहीत का? तुम्ही कुणीही माझं काही करू शकत नाही. तुम्हा सगळ्यांना मी पुरून उरलोय अशा संतप्त भावना केंद्रीय मंत्री नारायण राणे यांनी व्यक्त केल्या आहेत.
महत्त्वाच्या बातम्या
- ‘माझ्यावर निस्सीम प्रेम करणाऱ्या सहकाऱ्यांचे मनापासून आभार’, नारायण राणेंचे ट्वीट
- नाणेफेक जिंकत विराटने संपवला ‘तो’ इंग्लंडमधील दुष्काळ
- ‘सैराट’ फेम आर्चीच्या हटके लुकने वेधले चाहत्यांचे लक्ष
- हेंडिग्ले कसोटीत नाणेफेक जिंकत विराटचा प्रथम फलंदाजी करण्याचा निर्णय
- ‘भोक तुमच्या फुग्याला पडलंय राऊतसाहेब…’ ; चंद्रकांत पाटलांचा संजय राऊतांना टोला
बातम्यांसाठी YouTube चॅनेल Subscribe करा
Subscribe Now
