Sandeep Deshpande| “…तेव्हा मित्रालाच काय, राज साहेबांनी भावालाही सोडलं नाही”

🕒 1 min read

मुंबई :  वेदांत फॉक्सकॉन प्रकल्प महाराष्ट्रातून गुजरातमध्ये गेला. यामुळे राज्यातील राजकीय नेते एकमेकांविरोधात आरोप करत आहेत. अशातच शिवसेना पक्षाचे मुखपत्र असलेल्या सामनामधूनही सत्ताधारी नेत्यांवर हल्ला करण्यात आला आहे. इतकंच नाही तर सामनामधून मनसे अध्यक्ष राज ठाकरे यांच्यावरही टीका करण्यात आली आहे. राज ठाकरे यांच्यावर केलेल्या टीकेला उत्तर देत मनसे सरचिटणीस संदीप देशपांडे यांनी शिवसेना पक्ष प्रमुख उद्धव ठाकरे यांच्यावर निशाणा साधला आहे.

काय म्हणाले संदीप देशपांडे ?

जेव्हा महाराष्ट्राच्या भल्याचा विषय येतो तेव्हा राज साहेबांनी मित्रांनाच काय पण भावाला पण सोडलं नाही त्यामुळे त्याची चिंता सामनाने करू नये, असं संदीप देशपांडे यांनी म्हटलं आहे. यासंदर्भात संदीप देशपांडे यांनी आपल्या ट्विटर आकाऊंटवरून एक ट्विट केलं आहे. त्यामध्ये त्यांनी हे लिहिलं असल्याचं पाहायला मिळतं आहे.

जेंव्हा महाराष्ट्राच्या भल्याचा विषय येतो तेंव्हा राजसाहेबांनी मित्रांनाच काय पण भावाला पण सोडलं नाही त्यामुळे त्याची चिंता सामना नी करू नये

— Sandeep Deshpande (@SandeepDadarMNS) September 15, 2022

तसेच, शिवसेनेचा आजचा आंदोलन हे नाटक आहे. ज्या वेळेला मराठी मुलांच्या नोकऱ्या परप्रांतीय हिसकावत होते आणि महाराष्ट्र नवनिर्माण सेना महाराष्ट्रभर आंदोलन करत होती, त्यादरम्यान राज साहेबांना अटक झाली होती. त्यावेळेला शिवसेना मात्र मुग गिळून गप्प होती, हेही देशपांडे यांनी सांगितलं आहे.

 सामनामधील राज ठाकरेंवरील टीका –

दरम्यान, राज ठाकरे यांनी फॉक्सकॉन महाराष्ट्रातून गुजरातला गेल्याबद्दल चिंता व्यक्त केली हे बरेच झाले. पण महाराष्ट्रावर आर्थिक हल्ला करणारे व येथील लाखभर तरुणांचा रोजगार हिरावून घेणारे दुसरे-तिसरे कोणी नसून त्यांचे मित्र भाजपवालेच आहेत. महाराष्ट्राच्या प्रगतीची सर्व इंजिन व डबे ते गुजरातला वळवतील. हा धोका आताच लक्षात घेतला पाहिजे, अशी टीका सामनामधून राज ठाकरे यांच्यावर केली होती.

महत्वाच्या बातम्या : 

• Ajit Pawar | शिवाजी महाराजांच्या महाराष्ट्रात गद्दारी चालणार नाही ; अजित पवार संतापले
• Sachin Sawant | “वेदांता फॉक्सकॉन प्रकल्पही अडचणीत येण्याची शक्यता आहे”, सचिन सावंत यांचं ट्विट
• Maharashtra Rain : मुंबईसह ‘या’ भागांमध्ये ऑरेंज अलर्ट! तर राज्यात पुढचे ३ दिवस होणार मुसळधार पाऊस
• NCP | ‘स्वत:ला 50 खोके, महाराष्ट्रातल्या युवकांना धोके’ ; राष्ट्रवादीची सत्तधाऱ्यांविरोधात घोषणाबाजी
• Ajit Pawar | वेदांता प्रकल्पावरुन अजित पवारांनी तरुणांना दिला इशारा, म्हणाले…