मुंबई: महाराष्ट्र राज्यसभेसाठी 6 जागांसाठी झालेल्या निवडणुकीत भाजपने 3 तर महाविकास आघाडीने 3 जागा जिंकल्या. यात भाजपचे डॉ.अनिल बोंडे, पियुष गोयल आणि धनंजय महाडिक विजयी झाले आहेत. तर काँग्रेसकडून इम्रान प्रतापगढी, राष्ट्रवादीकडून प्रफुल्ल पटेल आणि शिवसेनेकडून संजय राऊत आणि संजय पवार रिंगणात होते. संजय पवार वगळता महाविकास आघाडीचे उर्वरित तीन उमेदवार विजयी झाले. यावरूनच मनसे नेते संदीप देशपांडे यांनी थेट मुख्यमंत्री उद्धव ठाकरेंवर निशाणा साधला आहे.
“मध्ये कुठला तरी एक सर्व्हे केला होता त्यात देशात लोकप्रिय मुख्यमंत्री महाराष्ट्राचे होते. तेच लोकप्रिय आमदारांमध्ये अप्रिय कसे?असो आता महाविकास आघाडी विधान परिषद निवडणूक लढवणार का शेपूट घालणार?”, असा खोचक टोला संदीप देशपांडे यांनी लगावला आहे.
मध्ये कुठला तरी एक सर्व्हे केला होता त्यात देशात लोकप्रिय मुख्यमंत्री महाराष्ट्राचे होते. तेच लोकप्रिय आमदारांमध्ये अप्रिय कसे?असो आता मा.वि.आ विधान परिषद निवडणूक लढवणार का शेपूट घालणार??
— Sandeep Deshpande (@SandeepDadarMNS) June 12, 2022
दरम्यान राज्यसभा निवडणुकीत महाराष्ट्रातील सहा जागांसाठी सात उमेदवार रिंगणात होते. साधारणत: राज्यसभेच्या निवडणुकीत जागांच्या अंकगणिताच्या आधारे उमेदवार उभे केले तर विजय निश्चित असतो आणि त्यामुळेच बहुतांश उमेदवार बिनविरोध विजयी होतात. पण इथे एक आव्हान होतं. ही लढत भाजप विरुद्ध महाविकास आघाडी यांच्यात होती. मात्र थेट भाजपचे माजी मुख्यमंत्री देवेंद्र फडणवीस आणि शिवसेना पक्षप्रमुख उद्धव ठाकरे यांची प्रतिष्ठा पणाला लागली होती. शिवसेना विजयाची स्वप्ने पाहत राहिली आणि फडणवीस यांनी रणनीतीच्या क्षेत्रात स्वत:ला ‘सिद्ध’ केले. रात्री उशिरापर्यंतच्या गदारोळानंतर निकाल येताच भाजपने शिवसेनेला मोठा धक्का दिला. तीन मोठ्या पक्षांची युती करून सरकार चालवणाऱ्या शिवसेनेला पुरेसे संख्याबळ असूनही संजय पवार यांना परावभ पचवावा लागला.
महत्वाच्या बातम्या:
- आंद्रे रसेलनं खरेदी केली मर्सिडीज बेंझ एएमजी कार, ‘या’ गाडीची किंमत ऐकून व्हाल थक्क; पाहा VIDEO!
- IND vs SA 2022 : दुसऱ्या टी-२० सामन्याला मुख्यमंत्री नवीन पटनायक घंटी वाजवून करतील सुरुवात; वाचा!
- अपक्ष आमदारांना कोणता चारा दिला ; रुपाली पाटलांचा भाजपला सवाल
- आयपीएलमध्ये मिळालेले सर्व पैसे वडिलांना दिल्यानंतर तिलक वर्मा म्हणाला, ” मला यापासुन दूर राहू…”
- “राजकारणात धोका…” ; उद्धव ठाकरेंबाबत शरद पवारांची प्रतिक्रिया
