पुणे : एनसीबीचे विभागीय संचालक समीर वानखेडे यांच्यावर महाविकास आघाडी सरकारमधील मंत्री नवाब मलिक यांनी अनेक गंभीर आरोप केले आहेत. यावरून याप्रकरणाची जोरदार चर्चा रंगली आहे. दरम्यान आता समीर यांच्या अडचणींमध्ये वाढ होण्याची चिन्हं दिसत आहेत. शनिवारी पुण्यामध्ये पत्रकारांशी बोलताना राष्ट्रवादी काँग्रेसचे नेते आणि राज्याचे सामाजिक न्यायमंत्री धनंजय मुंडे यांनी वानखेडेंसंदर्भात एक महत्वाचे वक्तव्य केले आहे.
यावेळी बोलत असतांना ते म्हणाले की,’समीर वानखेडे यांच्या जातप्रमाण पत्राच्या वैधतेबद्दल कोणी आक्षेप घेतला, त्यासंदर्भात सामाजिक न्याय विभागाकडे तक्रार केली तर आम्ही या प्रकरणी चौकशी करु,’असे मुंडे म्हणाले आहेत.
दरम्यान, याच मुद्द्यावरुन भाजपाचे विधान परिषदेचे विरोधी पक्ष नेते प्रवीण दरेकर यांनी महाविकास आघाडीला केवळ समीर वानखेडेंवर हल्लाबोल करायचा आहे अशी टीका केली. ते म्हणाले की,’राज्याच्या सामाजिक न्याय विभागाला तक्रार दाखल करण्यात आल्यानंतर तपास करण्याचे हक्क आहेत. सध्या समीर वानखेडे हेच या सरकारच्या एकमेव अजेंड्यापैकी एक आहेत. वानखेडे हे काही आमच्या पक्षाचे कार्यकर्ते किंवा भाजपा नेत्याचे नातेवाईक नाहीत. ड्रग्जचा व्यवसाय करणाऱ्यांविरोधात कारवाई करणाऱ्या अधिकाऱ्याला लक्ष्य करणं हे योग्य नाही.’
महत्त्वाच्या बातम्या
- ‘एमआयएम महाराष्ट्रातील सर्व निवडणुका लढणार’, असदुद्दीन ओवेसींची घोषणा
- पंतप्रधान मोदी आणि पोप फ्रान्सिस भेटीवर राष्ट्रीय स्वयंसेवक संघाची पहिली प्रतिक्रिया; म्हणाले…
- शरद पवारांबद्दल अपशब्द वापरल्याने तुषार भोसलेंविरोधात सहा तक्रारी दाखल
- ‘परमबीर सिंह बेल्जियममध्ये कसे गेले?’ संजय निरुपमांचा सवाल
- चंद्रकांत पाटलांचे खिसे एवढे मोठे नाहीत, ज्यांनी त्यांनी आपली मर्यादा ठेवून बोलायला पाहिजे- धनंजय मुंडे
बातम्यांसाठी YouTube चॅनेल Subscribe करा
Subscribe Now
