जालना: राज्यासह जिल्ह्यात कोरोनाचा कहर वाढत आहे, त्यामुळे जिल्ह्यात प्रतिबंधात्मक कायदा लावण्यात आला आहे. त्यामुळे अवैध धंदे करणारे सरसावले आहेत. अशीच एक घटना जालना येथे समोर आली, दारूची विक्री करणाऱ्या १५ जणांवर राज्य उत्पादन शुल्क विभागाच्या वतीने कारवाई करण्यात आली आहे. ही कारवाई १ ते १२ एप्रिलदरम्यान करण्यात आली आहे. त्यांच्याकडून ३ लाख ३१ हजार रुपयांचा मुद्देमाल जप्त करण्यात आला.
याप्रकरणी किरण मारोती उप्पलवाड, अर्जुन भीमराव एखनार, रज्जाक शेख उस्मान, सुधाकर मच्छिंद्र कातुरे , कैलास प्रभू राठोेड, चेतन सुरेश जैस्वाल भागवत प्रभू मुळे, योगेश ज्ञानेश्वर कुबेर, विजय कचरू कंकाळ, शुभम अशोक ओताडे, दत्तू तुकाराम घोडके, संतोष भगवान लोखंडे यांच्याविरुद्ध विविध पोलिस ठाण्यांत गुन्हा दाखल करण्यात आला आहे.
कोरोनाच्या पार्श्वभूमीवर विभागीय उपायुक्त पी. एच. पवार यांच्या सूचनेनुसार अधीक्षक भाग्यश्री जाधव यांच्या पथकाने १ ते १२ एप्रिलदरम्यान जालना शहरासह भोकरदन तालुक्यातील हॉटेल, ढाब्यांवर छापा मारला. पथकाने वेगवेगळ्या १५ ठिकाणांहून देशी दारूच्या १०३४, विदेशी ४४८, बिअर ८४ व गावठी हातभट्टी दारूच्या १४० बाटल्या जप्त करण्यात आल्या. ३ लाख ३१ हजार ५५८ रुपयांचा मुद्देमाल जप्त करण्यात आला आहे
महत्वाच्या बातम्या
- जालना; सकाळी उघडलेली बाजारपेठ पोलीस येताच बंद!
- ‘या’ कारणामुळे झाला कोलकाता नाइट रायडर्सचा पराभव
- आखेरच्या चार षटकात बदलले सामन्याचे चित्र; मुंबईच्या गोलंदाजानी लढवली खिंड
- पहिल्या विजयानंतर मुंबई इंडियन्सची गुणतालीकेत भरारी; केकेआरची झाली घसरण
- मुंबई इंडियन्सने उभारली विजयाची गुढी ; केकेआरचा १० धावांनी केला पराभव
