प्रसिद्ध दिग्दर्शक मणिरत्नमच्या ‘या’ प्रोजेक्टद्वारे सईचे दाक्षिणात्य चित्रपट सृष्टीत पदार्पण

🕒 1 min read

मुंबई : मराठी अभिनेत्री सई ताम्हणकर ही मराठी चित्रपट सृष्टीतील एक आघाडीची अभिनेत्री आहे. काही दिवसापुर्वी समांतर २ द्वारे तिने वेब दुनियेत पदार्पण केले. तर नुकताच तिचा ‘निमी’ हा हिंदी चित्रपट ओटीटीवर प्रदर्शित झाला.

आता सई ताम्हणकर दाक्षिणात्य चित्रपट सृष्टीत पदार्पणासाठी सज्ज आहे. सुप्रसिद्ध दिग्दर्शक मणिरत्नम यांच्या ‘नवरसा’ या वेब सिरीज द्वारे सई तमिळ चित्रपटसृष्टीत पदार्पण करत आहे. ही वेब सीरीज नेटफ्लिक्सवर प्रदर्शित होणार आहे. यात नऊ लोकांच्या वेगवेगळ्या कथा दाखवण्यात आल्या आहेत. यातील एका कथेत सई ताम्हणकर भूमिका साकारणार आहे.

https://www.instagram.com/p/CR0PGvbDZVU/

‘नवरसा’ ची कथा माणसाच्या राग, करुणा, धैर्य, द्वेष, भीती, हशा, प्रेम, शांती आणि आश्चर्य या भावनाबद्दल आहे. २७ जुलै रोजी या वेब सिरीजचा टिझर प्रदर्शित करण्यात आला. या वेब सिरीजमध्ये सूर्या, सिद्धार्थ प्रकाश राज, विजय सेतुपति, रेवती, ऐश्वर्या राजेश आणि अरविंद स्वामी या कलाकारांच्या प्रमुख भूमिका आहेत. दिग्गज कलाकाराचा भरणा आणि मणिरत्नम यांचे दिग्दर्शन यामुळे ही वेब सिरीज नक्कीच प्रेक्षकांच्या पसंतीस पडेल. ही वेब सीरीज नेटफ्लिक्स या ओटीटी प्लॅटफॉर्मवर प्रदर्शित होणार आहे.

महत्त्वाच्या बातम्या

• नागपुरामध्ये लसीकरणातून भाजपचे कार्यकर्ते प्रचार करत असल्याचा काँग्रेसचा आरोप
• पंडित जवाहरलाल नेहरू यांच्याबाबत राज्यपाल भगतसिंह कोश्यारी यांनी केलेले विधान दुर्दैवी
• आसाम मिझोराम सीमावादातून हिंसाचार, आसामच्या 6 पोलिसांचा मृत्यू
• ‘शेतकऱ्यांचा प्रश्न मार्गी लागत नाही तोपर्यंत रिंग रोडची मोजणी करून देणार नाही’
• ‘मुंबई इंडियन्स ते कसोटी संघात स्थान’ अवघ्या पाच महिन्यात बदलली सुर्याचे कारकिर्द