नवी दिली : सध्या युरोपात युक्रेन आणि रशिया या दोन देशांमध्ये युद्ध चालू आहे. युक्रेनने NATO (नॉर्थ अटलांटिक ट्रीटी ऑर्गनायझेशन) या संघटनेमध्ये सहभागी होऊ नये म्हणून रशियाचे अध्यक्ष व्लादिमीर पुतीन यांनी आक्रमक पवित्रा घेतला आहे. रशियाच्या बलाढ्य लष्करासमोर युक्रेनचा टिकाव लागणे अवघड आहे.
तरी युक्रेन आपल्या आपल्या परीने रशियाच्या आक्रमणाविरुद्ध लढा देत आहे. युक्रेनची ताकद रशिया पेक्षा कमी असल्याने जगभरातील बलाढ्य देश युक्रेनला अप्रत्यक्ष रित्या मदत करत आहेत. जगातील बलाढ्य देशांकडे अणूबॉम्बची ताकद असल्याने कोणताही देश थेट रशियाशी पंगा घेताना दिसत नाहीये. जर युक्रेनच्या बाजूने कोणताही बलाढ्य देश रशिया विरुद्ध मैदानात उतरला तर जगाला कदाचित अणुयुद्धाला सामोरे जावे लागू शकते.
अश्याच प्रकारची धमकी पुन्हा आज रशियाचे अध्यक्ष व्लादिमीर पुतीन यांनी दिली आहे. रशियाने २४ फेब्रुवारी रोजी तब्बल दिड लाख सैन्यबळासह युक्रेनवर हल्ला केला. कोणताही देश थेट युक्रेनला मदत करायचे टाळत असला तरी ; रशियाला आगामी काळात गंभीर परिणामांना सामोरे जावे लागेल अशी धमकी देत आहे, त्यालाच आज रशियाचे अध्यक्ष व्लादिमीर पुतीन यांनी आज प्रत्युत्तर दिले आहे. इंग्लंड आणि अमेरिकेला धमकावताना पुतीन यांनी इशारा दिला आहे. पाश्चिमात्य देशांना इशारा देताना व्लादिमीर पुतीन म्हणाले आहेत कि, ” रशियाच्या कारवाईमध्ये हस्तक्षेप करण्याचा कोणताही प्रयत्न झाल्यास त्यांनी यापूर्वी कधीही पाहिले नाही, असे परिणाम होतील. आम्ही आमचं अणुबॉम्ब सांभाळणाऱ्या तुकडीला सज्जतेचे आदेश दिले आहेत त्यामुळे जगातील सर्वच देशांनी सावधान राहायला पाहिजे असा धमकी वजा इशारा व्लादिमीर पुतीन यांनी जगातील बड्या नेत्यांना दिला आहे.
महत्वाच्या बातम्या :
- GST 2022 : जीएसटी संकलनात गेल्या वर्षीच्या तुलनेत झाली १८ टक्क्यांनी वाढ
- श्रीलंकेविरुद्ध कसोटीमध्ये उतारण्याआधी भारतीय खेळाडूंची फिरस्ती
- …तर मुख्यमंत्र्यांना शंभर टक्के पाठिंबा देऊ- आशिष शेलार
- Russia vs Ukraine war: ऑपरेशन गंगा वरून छगन भुजबळ यांचा नरेंद्र मोदी यांना टोला ; म्हणाले…
- “भाजपवर केलेले आरोप आम्ही खोडुन काढु”, दरेकरांचा ठाकरे सरकारला इशारा
बातम्यांसाठी YouTube चॅनेल Subscribe करा
Subscribe Now
