टीम महाराष्ट्र देशा: रशिया आणि यूक्रेन यांच्यातील युद्धाचा आज २५वा दिवस आहे. रशियाचे हल्ले आजही सुरूच आहेत. आज रशियाने यूक्रेनमधील मारियुपोल शहरातील एका आर्ट स्कूलवर बॉम्ब हल्ला केला आहे. त्या शाळेत 400 लोक थांबले असल्याची माहिती आहे. युक्रेनच्या स्थानिक अधिकाऱ्यांनी दिलेल्या माहितीनुसार या हल्ल्यात शाळा पूर्णपणे उद्धवस्त झाली आहे. कोसळलेल्या इमारातीखाली 400 लोक दबले असल्याची शक्यता वर्तवली जात आहे. परंतु मृतांची आणि जखमींची ठोस संख्या अजून समजलेली नाही.
युक्रेनच्या मारियुपोल या शहराला वेढा घातला असून तेथे होणारा पाणीपुरवठा, वीज आणि इतर सुविधा बंद करण्यात आल्याचे सांगण्यात येत आहे. दरम्यान रशियाच्या लष्कराने म्हटले आहे की त्यांनी लांब पल्ल्याच्या हायपरसोनिक आणि क्रूझ क्षेपणास्त्रांनी युक्रेनमधील लष्करी तळांना लक्ष्य केले आहे. रशियाच्या संरक्षण मंत्रालयाचे प्रवक्ते मेजर जनरल इगोर कोनाशेन्कोव्ह यांनी रविवारी सांगितले की, किन्झाल हायपरसॉनिक क्षेपणास्त्राने काळ्या समुद्राच्या किनार्यावरील मायकोलेव्ह बंदराजवळील कोस्टियनटिनिवका येथील युक्रेनच्या इंधन डेपोवर हल्ला केला. रशियाने सलग दुसऱ्या दिवशी किंजल क्षेपणास्त्राचा वापर केला आहे, असा दावा रशियाकडून करण्यात येत आहे.
39000 लोकांनी मारियुपोल सोडले
बातम्यांसाठी YouTube चॅनेल Subscribe करा
Subscribe Now
