परभणीत एसबीआय बँकेचे एटीएम फोडून 12,500 लंपास; नानलपेठ पोलिसांत गुन्हा दाखल

परभणी : शहरातील क्रांती चौकातील असलेले एसबीआय बँकेचे एटीएम फोडून त्यातील 12,500 रुपयांची रक्कम चोरल्याची घटना मंगळवारी मध्यरात्रीच्या सुमारास घडली. या प्रकरणी बुधवारी नानलपेठ पोलिस ठाण्यात गुन्हा दाखल करण्यात आला आहे.

या घटनेनंतर बँकेच्या एटीएमवर देखरेख ठेवणाऱ्या ईपीएस कंपनीच्या चॅनल मॅनेजर अंकुश हुलेकर यांनी पोलिसांत तक्रार दाखल केली आहे. फिर्यादीनुसार ते म्हणाले की, ईपीएस या कंपनीत मी चॅनल मॅनेजर म्हणून कार्यरत असून शहरातील बँकांच्या एटीएमवर मोबाईल एप्लिकेशनव्दारे देखरेख ठेवतो. मंगळवारी रात्री साडेबाराच्या सुमारास आपल्या एप्लिकेशनमध्ये एक कॉल दिसला. त्यात क्रांती चौकातील एटीएममध्ये कॅश हँडलर नावाचा एरर आला. त्यावरून एटीएममध्ये कॅश टाकणाऱ्या व्यक्तींना मी तो एरर पाठवला. त्यावेळी आनंद बाळशंकर, विशाल बेंडे यांनी एटीएममध्ये जाऊन पाहिले असता मशीनला एरर असल्याचे सांगितले. त्यानंतर मी स्वत: तेथे जाऊन पाहिले असता एटीएम नादुरुस्त झाल्याचे दिसले.

त्यामुळे एटीएममधील रक्कम मोजली असता ती 21 लाख 39 हजार रुपयांपैकी 21 लाख 26 हजार 500 रुपये एवढीच आढळली. रकमेत 12 हजार 500 रुपये कमी असल्याचे दिसून आले. मंगळवारी रात्री साडेबाराच्या सुमारास कोणीतरी अज्ञात व्यक्तीने क्रांती चौकातील एसबीआय बँकेच्या एटीएम फोडून 12 हजार 500 रुपये रक्कम लांबवल्याचे म्हटले आहे. हुलेकर यांनी दिलेल्या तक्रारीवरून नानलपेठ पोलिस ठाण्यात गुन्हा दाखल करण्यात आला असून अधिक तपास सुरू असल्याचे पोलिसांनी सांगितले.

महत्वाच्या बातम्या

• रिहानाविरुद्ध आता बॉलीवूडचा खिलाडी, सिंघम मैदानात, गैरसमज पसरवणाऱ्यांनाही सुनावले खडे बोल
• रिहानाच्या ट्विटवर राहुल गांधींनी दिली ‘ही’ प्रतिक्रिया, दिल्लीतील फौजफाट्यावरून मोदींवर टीका
• प्यायचे होते पाणी, पण चुकून प्यायले सॅनिटायझर; BMCचे सहआयुक्त रमेश पवारांकडून घडली चूक

• शेतीतलं ना राहुल गांधींना काही कळतं, ना रिहानाला – संबित पात्रा

• शरजील उस्मानीवर कारवाई करण्याच्या मागणीसाठी चंद्रकांत पाटलांचे थेट योगींना पत्र