रोहित शर्मा-रवींद्र जडेजा वनडे मालिकेसाठी संघात परतणार?

नवी दिल्ली : भारतीय कसोटी संघ दक्षिण आफ्रिकेत पोहोचला असून पुढील आठवड्यात वनडे संघाचीही घोषणा होऊ शकते. दक्षिण आफ्रिका दौऱ्यावर तीन सामन्यांच्या कसोटी मालिकेनंतर टीम इंडियाला 19 जानेवारीपासून तीन सामन्यांची वनडे मालिका खेळायची आहे. रोहित शर्मा आणि रवींद्र जडेजा हे दोघेही कसोटी संघाचा भाग नाहीत. न्यूझीलंडविरुद्धच्या घरच्या मालिकेदरम्यान जडेजाला दुखापत झाली होती.

तर दक्षिण आफ्रिका दौऱ्याच्या तयारीसाठी मुंबईत सराव करताना रोहितला दुखापत झाली होती. रोहितकडे कसोटी संघाचे उपकर्णधार, तर एकदिवसीय संघाचे कर्णधारपद सोपवण्यात आले आहे. रोहित आणि जडेजा दोघेही फिटनेससाठी सध्या बेंगळुरू येथील राष्ट्रीय क्रिकेट अकादमी (NCA) मध्ये पोहोचले आहेत.

दोघांचेही वनडे संघात पुनरागमनाचे लक्ष आहे. रोहितसाठी दक्षिण आफ्रिकेतील एकदिवसीय मालिका खूप महत्त्वाची असेल, कारण पूर्णवेळ कर्णधार म्हणून त्याची ही पहिलीच एकदिवसीय मालिका असेल. 2021 च्या टी-20 विश्वचषकानंतर रोहितकडे टी-20 संघाची कमान सोपवण्यात आली होती. न्यूझीलंडविरुद्धच्या घरच्या टी20 मालिकेत रोहितच्या नेतृत्वाखाली भारताने 3-0 असा क्लीन स्वीप केला होता.

महत्वाच्या बातम्या

• कोरोनाच्या दुसऱ्या लाटेत ऑक्सिजन अभावी युपीत एकही मृत्यू नाही; योगी सरकारचा दावा
• ‘थकबाकीचा डोंगर वाढतोय, राज्याच्या हक्काचे पैसे मिळायलाच पाहिजे’, शिवसेनेचा केंद्राला इशारा
• बाहेरच्या बाहेर खंडणीचा निधी मिळत असेल तर सरकारी निधीची गरज काय?
• महाविकास आघाडी सरकारमध्ये राष्ट्रवादीच्या खात्यांना सर्वाधिक निधी
• केंद्रातील भाजपा व संघांचा आरक्षण संपवण्याचा डाव-नवाब मलिक