🕒 1 min read
मुंबई: भारताचा पूर्णवेळ कर्णधार म्हणून रोहित शर्माने आपल्या कार्यकाळाची हेवा वाटावा अशी सुरुवात केली आहे. भारताला T20I मालिकेत न्यूझीलँडवर क्लीनस्वीप करण्यासाठी नेतृत्व केल्यानंतर, रोहित दुखापतीतून परतला आणि भारताने घरच्या मैदानावर एकदिवसीय आणि T20I मालिकेत वेस्ट इंडिजवर ३-० असा विजय मिळवला. मात्र या सगळ्या मालिकेत कर्णधार रोहित अनेकदा खेळाडूंवर भडकताना दिसला आहे.
विराट कोहलीकडून (virat kohli) पदभार स्वीकारल्यापासून रोहितने बाहेर देशात अद्याप संघाचे नेतृत्व केले नाही आणि भारतीय कसोटी संघाचा कर्णधार म्हणून तो कसा कामगिरी करेल हे पाहणे बाकी आहे. कोहलीचे बालपणीचे प्रशिक्षक राजकुमार शर्मा (virat kohli childhood coach) यांनी म्हटले आहे की, सामन्यादरम्यान दोन खेळाडू एकमेकांसोबत काम करताना पाहून आनंद वाटतो, पण त्यांना वाटते की, मैदानावरील सामन्यांदरम्यान रोहितने रागावर नियंत्रण आणावे. “रोहित शर्मा (rohit sharma) हा कूल कॅप्टन मानला जातो, पण अलीकडे मैदानावर त्याला राग आल्याचे आपण पाहिले आहे. त्याने आपला राग आपल्या संघातील सहकाऱ्यांवर सार्वजनिकपणे व्यक्त न करण्यास शिकले पाहिजे. जर एखाद्याने चूक केली असेल, तर त्याला शांततेने समजून घेणे आवश्यक आहे,”
वेस्ट इंडिजच्या भारत दौऱ्यात रोहित शर्मा अनेक वेळा भारतीय खेळाडूंवर भडकताना दिसला होता. दुस-या T20I दरम्यान भुवनेश्वर कुमारने सरळ झेल सोडला तेव्हा त्याने निराश होऊन चेंडूला लात मारली होती. तर युझवेंद्र चहल ऐकत नसल्याने त्यालाही मैदानावर फटकारले होते आणि पहिल्या T20I दरम्यान खराब कामगिरी करणाऱ्या ईशान किशनशी अॅनिमेटेड चर्चा करतानाही तो दिसला होता.
महत्वाच्या बातम्या
- ‘भाजपकडून सत्तेसाठी यंत्रणांचा वापर’; बाळासाहेब थोरातांचा आरोप
- रोहित कि विराट आवडता खेळाडू कोण सांगितल्यावर आलीया भट होतेय ट्रॉल
- मुख्यमंत्र्यांवर खालच्या भाषेत टीका; भाजप आमदाराची जीभ घसरली
- ‘सलीम-जावेद’ जोडीवर गौप्यस्फोट करणार; भाजप नेत्याचा इशारा
- “मला दारूगोळा हवा, पळून…”; युक्रेनच्या राष्ट्राध्यक्षांनी अमेरिकेचा प्रस्ताव नाकारला
