🕒 1 min read
मुंबई : झुंड’ या चित्रपटाची अनेक चित्रपट समीक्षक तसेच कलाकार कौतुक करताना दिसत आहे. आता या चित्रपटावर प्रसिद्ध मराठमोळा अभिनेता रितेश देशमुखनं प्रतिक्रिया दिली आहे. रितेशनं ‘झुंड’ चित्रपटासाठी केलेलं ट्वीट सध्या खूप चर्चेत आहे. ‘झुंड’ पाहिल्यानंतर रितेशनं त्याच्या ट्विटरवर नागराज मंजुळेंसाठी खास पोस्ट केली आहे. यासोबतच त्यानं हा चित्रपट प्रेक्षकांनी चित्रपटगृहातच जाऊन पाहावा असा आग्रह देखील केला आहे. रितेशनं लिहिलं, ‘स्वतःवर थोडी दया करा आणि ‘झुंड’ चित्रपट कृपया चित्रपटगृहात जाऊन पाहा. नागराज मंजुळे देशातील सर्वोत्कृष्ट दिग्दर्शक आहे. तो तुम्हाला रडवतो, आनंद देतो, वेदनांचा अनुभव देतो, सर्वात महत्त्वाचे म्हणजे तो तुम्हाला समाजातील भिंतीने विभागलेल्या दोन भारतांचा विचार करायला लावतो.’
Please do your self a favour and watch #Jhund on the big screen. @Nagrajmanjule is the bestest director in the country – he makes you cry, cheer, feel the pain, the euphoria and most importantly he makes you think of two Indias divided by a compound wall. pic.twitter.com/FUICTg39ey
— Riteish Deshmukh (@Riteishd) March 6, 2022
तसेच अभिनेता जितेंद्र जोशी, सिद्धार्थ जाधव, सुबोध भावे यांच्यासह अनेक दिग्गज अभिनेत्यांनी ‘झुंड’ चित्रपटाबद्दल विविध पोस्ट शेअर करत त्याचे कौतुक केले आहे. ‘झुंड’ या चित्रपटाने पहिल्या तीन दिवसात ६.५० कोटी रुपयांचा गल्ला जमवला होता. या चित्रपटाने पहिल्या दिवशी बॉक्स ऑफिसवर १.५० कोटींची कमाई केली होती. त्यानंतर शनिवारी २. १० कोटी आणि रविवारी २.९० कोटी रुपयांचा गल्ला जमवला आहे. त्यामुळे गेल्या तीन दिवसात या चित्रपटाने जवळपास ७ कोटींची कमाई केली आहे.
महत्वाच्या बातम्या :
बातम्यांसाठी YouTube चॅनेल Subscribe करा
Subscribe Now
