‘लहान लेकरांच्या तोंडचा घास काढून चिक्की घोटाळा केला, तेव्हा नैतिकता म्हणून राजीनामा का नाही दिला ?’

🕒 1 min read

बीड : सोमवारी भाजप नेत्या पंकजा मुंडे यांनी पत्रकार परिषद घेऊन विविध मुद्द्यांवर भाष्य केलं. यावेळी संजय राठोड यांच्या राजीनाम्यानंतर आता मंत्री धनंजय मुंडे यांनी देखील राजीनामा द्यावा असं वाटतं का ? असा सवाल माध्यमांच्या प्रतिनिधींनी केल्यानंतर धनंजय मुंडे यांनी देखील राजीनामा द्यायला हवा असं मत व्यक्त केलं आहे.

‘धंनजय मुंडे यांच्या राजीनाम्यासंदर्भात जी भाजपची भूमिका आहे, तीच माझी भूमिका आहे. त्यांनी स्वतःच नैतिकतेचा विचार करून, जर सत्य आणि असत्य करण्याची शक्ती असेल तर त्यांनी देखील राजीनामा देण्याचा निर्णय घ्यायला हवा. त्यांच्यामुळे जर पक्षाला त्रास होणार असेल वा चुकीचं उदाहरण निर्माण होत असेल तर हा निर्णय घ्यायला हवा. मी कोणत्याही चुकीच्या गोष्टीचं समर्थन करणार नाही’ असं भाष्य पंकजा मुंडे यांनी केलं आहे.

पंकजा मुंडेंच्या या वक्तव्यावरून आता राष्ट्रवादी काँग्रेसच्या नेत्या रेखा फड यांनी टीकास्त्र सोडलं आहे. ‘पंकजा मुंडें महिला व बालविकास मंत्री असताना लहान लेकराच्या तोंडचा घास काढून कोटींचा चिक्की घोटाळा केला होता.इतकंच नाही तर मोबाईल,चटई खरेदीत घोटाळा तेव्हा त्यांनी स्वतःची नैतक जवाबदारी म्हणून राजीनामा दिला होता का ?? बोलायला काय लागतं हो, “लोका सांगे ब्रम्हज्ञान स्वतः कोरडे पाषाण” ‘ असा घणाघात रेखा फड यांनी केला आहे.

मग @dhananjay_munde भाऊंचा राजीनामा कुठल्या अधिकाराने मागताय ?? तसे ही ते निर्दोष आहेत ही सिद्ध झालेलं आहेचं.
आणी भाऊंनी काही सत्य लपवूनही ठेवलं नाही ते त्यांनी स्वतः सांगितलं आहे. आता तुम्ही केलेल्या सर्वं घोटाळ्यांची चौकशी लावायला पाहीजे…!! @DaradeAbhi @thodkyaat @LayBhari3

— Rekha Phad (@RekhaPhadSpeaks) March 1, 2021

‘धनंजय मुंडे यांचा राजीनामा कुठल्या अधिकाराने मागताय ?? तसे ही ते निर्दोष आहेत ही सिद्ध झालेलं आहेचं. आणि भाऊंनी(धनंजय मुंडे) काही सत्य लपवूनही ठेवलं नाही ते त्यांनी स्वतः सांगितलं आहे. आता तुम्ही केलेल्या सर्वं घोटाळ्यांची चौकशी लावायला पाहीजे…!! ही चौकशी नक्कीचं लावली पाहीजे. नाही तरी तुमच्या तात्कालीन मुख्यमंत्र्यांनी आरोप सिद्द होऊन ही 8 आरोपी मंत्र्यांना क्लीन चिट देवून फडणवीसांनी राजीनामा नाही हो दिला ??’ अशी टीका रेखा फड यांनी केली आहे.

आणी का बरं लावू नये,नक्कीचं लावली पाहीजे. नाही तरी तुमच्या तात्कालीन मुख्यमंत्र्यांनी आरोप सिद्द होऊन ही 8 आरोपी
मंत्र्यांना क्लीन चिट देवून फडणवीसांनी
राजीनामा नाही हो दिला ?? @TV9Marathi @abpmajhatv @SarkarnamaNews @mumbaitak

— Rekha Phad (@RekhaPhadSpeaks) March 1, 2021

महत्त्वाच्या बातम्या 

• 5 कोटी न दिल्यास मुलाला ठार करू; दिग्गज भाजप आमदाराला धमकीचे पत्र
• मोनी रॉयच्या ब्लॅक बिकिनीने सोशल मीडियावर घातला धुमाकूळ !
• ठिय्या आंदोलनाचा ४२ वा दिवस; ७ मार्च रोजी होणाऱ्या आक्रोश मोर्चाची जय्यत तयारी
• ‘त्या’ तरुणाचा खून समलैंगिक संबंधांतून; लग्न ठरले म्हणून पार्टनरला संपवले
• पंकजा मुंडेंच्या आक्रमक पवित्र्यानंतर धनंजय मुंडेंची मंत्रीपदासोबत आमदारकी जाऊ शकते का?