विक्री योग्य कापूस नोंदणी 4 जानेवारी पर्यंत करता येणार

🕒 1 min read

बीड :-  बीड जिल्हयात कापूस खरेदी हंगाम सन 2020-21 मध्ये शासकीय हमीभावानुसार कापूस खरेदी सीसीआय व महाराष्ट्र राज्य कापूस उत्पादक पणन महासंघ यांच्यामार्फत चालू आहे. बीड तालुक्यामध्ये सीसीआयची 11 जिनिंग प्रेसिंग खरेदी केंद्रावर गेवराई येथील 7 जिनिंग प्रेसिंग खरेदी केंद्रावर व वडवणी येथील 2 जिनिंग प्रेसिंग खरेदी केंद्रावर कापूस खरेदी चालू आहे.

महाराष्ट्र राज्य कापूस उत्पादक पणन महसंघामार्फत माजलगाव तालुक्यात 4 जिनिंग प्रेसिंग खरेदी केंद्रावर परळी तालुक्यात 1 जिनिंगवर केज तालुक्यात 4, धारुर तालुक्यात 6 अशी एकूण 15 जिनिंग प्रेसिंग खरेदी केंद्रावर कापूस खरेदी चालू असून दि. 21 डिसेंबर 2020 अखेर या चार तालुक्यात एकूण 2,64,071 क्किंटल कापूस खरेदी झलेली आहे जिल्ह्यामध्ये व्यापा-याकडून 1,42,177 क्किंटल कापूस खरेदी झालेली असून जिल्ह्यामध्ये सीसीआय,महाराष्ट्र राज्य कापूस उत्पादक पणन महासंघ व खाजगी खरेदी अशी एकूण 6,49,842 क्किंटल कापूस खरेदी झलेली आहे.

महाराष्ट्र राज्य कापूस उत्पादक पणन महासंघाची परळी तालुक्यात 4, माजलगाव तालुक्यात 5,केज तालुक्यात 1 व आष्टी तालुक्यात 1 अशा एकूण 11 कापूस खरेदी केंद्राना नव्याने मुजूरी मिळालेली आहे. नव्याने सुरु होणा-या 11 कापूस खरेदी केंद्रावर जिल्हाधिकारी,बीड यांच्या दि. 21 डिसेंबर 2020 रोजीच्या आदेशान्वये 16 ग्रेडरची नियुक्ती करण्यात आलेली आहे. जिल्ह्यामध्ये दि. 19 डिसेंबर 2020 अखेर 66746 शेतक-यांनी त्यांचा कापूस शासकीय हमी भावानुसार विक्री करण्यासाठी संबंधित बाजार समित्यांक्डे आवश्यक कागदपत्रासह नोंदणी केली आहे. परंतु जिल्हयातील ब-याच कापूस उत्पादक शेतक-याकडून व लोकप्रतिनिधीकडून कापूस नोंदणीसाठी मूदत वाढवून देण्यात मागणी करण्यात येत आहे.

जिल्हयातील बाजार समित्यामध्ये शेतक-यानां त्यांच्या विक्रीयोग्य कापसाची नोंद करण्याची मुदत दि. 4 जानेवारी 2021 अखेर वाढविण्यात आली आहे. जिल्ह्यातील ज्या कापूस उत्पादक शेतक-यांची अद्याप बाजार समितीकडे नोंद केलेली नाही त्यांनी कोणत्याही परिस्थितीत या वाढीव कालावधीत त्यांच्याकडील विक्रीयोग्य कापसाची आपल्या तालुक्याच्या बाजार समितीकडे केलेली नाही, अशा सर्व शेतक-यांनी दि. 4 जानेवारी 2021 पर्यंत त्यांचा पासपोर्ट साईझचा फोटो,आधार कार्ड, जनधन खाते वगळून इतर राष्ट्रीयकृत किंवा जिल्हा मध्यवर्ती बॅकेच्या बचत खात्याच्या पासबुकच्या पहिल्या पानाची प्रत,कापूस पीकाची नोंद असलेला गाव नमूना क्र. 7/12 ची प्रत आणि तलाठी यांचे स्वाक्षरी व शिक्क्यासह पीक पेरा प्रमाणपत्र यासह आपल्या बाजार समितीकडे नोंदणीसाठी संपर्क साधण्याचे आवाहन जिल्हा उपनिबंधक संस्था बीड यांनी केले आहे.

महत्वाच्या बातम्या 

• शेतकऱ्यांना पाठिंबा देण्यासाठी राष्ट्रपती भवनावर मोर्चासाठी काँग्रेसला परवानगी नाकारली
• रासप आमदार रत्नाकर गुट्टेंना ईडीचा दणका, तब्बल 255 कोटींची मालमत्ता जप्त
• मराठा नेत्यांच्या आजवरच्या भूमिकेमुळे समाजाचे नुकसान झाले : प्रकाश शेंडगे
• गौतम गंभीर यांच्या ‘जन रसोई’त मिळणार १ रुपयात पोटभर जेवण
• ‘खुला प्रवर्ग’ सर्वांसाठीच खुला – सर्वोच्च न्यायालयाचा महत्त्वपूर्ण निकाल !