विराटला बाद करताच जेमिनसनवर नाराज आरसीबीचे चाहते ; केली ‘ही’ मागणी

🕒 1 min read

इंग्लंड : काइल जेम्सनने वर्ल्ड टेस्ट चॅम्पियनशिपच्या (डब्ल्यूटीसी) अंतिम सामन्यात उत्तम गोलंदाजी केली. पहिल्या डावात 5 विकेट घेऊन जेम्ससनने भारतीय फलंदाजीचा क्रम पूर्णपणे नष्ट केला. यावेळी रिषभ पंत बाद होताच जेम्सनने 8-दशक जुना विक्रम मोडला. पहिल्या 8 कसोटी सामन्यांमध्ये जेम्सन आता पर्यंत न्यूझीलंडकडून सर्वाधिक विकेट्स घेणारा ठरला आहे. हा रेकॉर्ड करत त्याने जॅक कॉवीलाही मागे सोडले, ज्यांनी ११९३७ ते १९४९ पर्यंत पहिल्या 8 कसोटी सामन्यांमध्ये 41 बळी घेतले.

तिसर्‍या दिवशी खराब हवामानामुळे खेळ अर्ध्या तास उशिरा सुरू झाला. भारतीय डावाच्या 68 व्या षटकात जेम्सनने विराट कोहलीच्या पॅडवर बॉल आदळला आणि पंचांचे बोट वर गेले. कोहलीने डीआरएस घेतला पण तोही व्यर्थ ठरला. चेंडू लेग स्टंपला मारत असल्याचे रीप्लेमध्ये स्पष्ट झाले. यानंतर या वेगवान गोलंदाजाने अजिंक्य रहाणे आणि रिषभ पंत यांनाही त्रास दिला.

पहिल्या 8 कसोटी सामन्यांनंतर न्यूझीलंडसाठी सर्वाधिक विकेट : 

44- काईल जेम्सन (2020-2021 )
41-जॅक कोवे (1937-1949)
38-शेन बाँड (2001-2003)
33-डग ब्रेसवेल (2011-2012)
32-हॅडली हॉवर्ड (१९६९)

कोहली आणि पंतची विकेट घेतल्यानंतर ट्विटरवर जबरदस्त प्रतिक्रिया उमटल्या. रॉयल चॅलेंजर्स बेंगलोर (आरसीबी) चे चाहते जेम्सनवर चांगलेच नाराज होते. काही चाहत्यांनी त्याचा आरसीबी करार संपुष्टात आणण्याची मागणी देखील केली. आयपीएल 2021 च्या पहिल्या टप्प्यात विराट कोहलीने जेम्सनला ड्यूक बॉलसह सराव करण्याची विनंती केली. पण किवी गोलंदाजाने कोहलीला पूर्णपणे नकार दिला होता.

अंतिम सामन्याबद्दल बोलताना रविवारी भारताने 3 गडी गमावून 146 धावांच्या पुढे खेळायला सुरुवात केली. पण संपूर्ण भारतीय संघ 217 धावांवर गुंडाळला. भारताकडून अजिंक्य रहाणे 49 आणि विराट कोहलीने 44 धावा केल्या. जेम्सनने 31 धावा देऊन 5 खेळाडूंना बाद केले. 8 कसोटी सामन्यांमध्ये जेम्सनचा हा पाचवा विकेट होता. नील वॅग्नर आणि ट्रेंट बाउल्ट यांनीही 2-2 गडी बाद केले.

महत्वाच्या बातम्या

• पोलिसांच्या वाहनाला अपघात! आरोपी चे मेडिकलकरून पोलीस ठाण्यात जात असलेल्या टू मोबाईल वाहनाला दुचाकीची धडक
• मराठा आंदोलनाची दिशा उद्या नाशकातून ठरणार
• मराठा आरक्षण; सुप्रीम कोर्टाच्या निर्णयाविरोधात विनोद पाटलांची पुनर्विचार याचिका
• ‘काँग्रेस-राष्ट्रवादीला मोठे करण्यासाठी ‘महाविकास आघाडी’ स्थापन केली काय?’, सरनाईकांचा उद्धव ठाकरेंना सवाल
• ‘…तर पुन्हा कपडे उतरवणार’ ; डब्ल्यूटीसी फायनल वर पूनम पांडेचे नवे भाष्य