नवी दिल्ली : भारतीय क्रिकेट संघाचा (Indian Cricket Team) महान अष्टपैलू खेळाडू रवींद्र जडेजा (Ravindra Jadeja) दुखापतीमुळे दक्षिण आफ्रिका दौऱ्याचा (SA vs IND) भाग नाही. नुकताच तो न्यूझीलंडविरुद्धच्या कसोटी मालिकेतील पहिला सामना खेळला पण दुखापतीमुळे तो दुसरा कसोटी सामना खेळू शकला नाही. रवींद्र जडेजाच्या जवळच्या मित्राने आणि त्याच्या सहकाऱ्याने दिलेल्या महिनुसार जडेजा दुखापतीमुळे कसोटी क्रिकेटमधून निवृत्ती घेऊ शकतो.
रवींद्र जडेजाची दुखापत इतकी गंभीर आहे की, त्याला बरे होण्यासाठी 4 ते 6 महिने लागू शकतात. जडेजाच्या एका सहकाऱ्याने असेही सांगितले की, रवींद्र जडेजा दीर्घकाळ एकदिवसीय आणि टी-२० खेळण्यासाठी कसोटी क्रिकेटमधून निवृत्ती घेऊ शकतो. रवींद्र जडेजाची दुखापत इतकी गंभीर आहे की तो दक्षिण आफ्रिका दौऱ्यानंतर होणाऱ्या श्रीलंकेविरुद्धच्या घरच्या मालिकेतही खेळताना दिसणार नाही. रवींद्र जडेजा कदाचित IPL 2022 मध्ये खेळताना दिसेल.
अलीकडेच रवींद्र जडेजाला चेन्नई सुपर किंग्जने १६ कोटी रुपयांमध्ये कायम ठेवले होते. तसेच कसोटी क्रिकेटपासून दूर राहिल्यास टीम इंडियाला मोठा झटका बसू शकतो. कारण रवींद्र जडेजा हा टीम इंडियाच्या प्रमुख खेळाडूंपैकी एक आहे.
रवींद्र जडेजाने कसोटी क्रिकेटमध्ये 57 सामने खेळले आहेत, ज्यामध्ये त्याने फलंदाजी आणि गोलंदाजी या दोन्ही विभागात उत्कृष्ट कामगिरी केली आहे. जडेजाने कसोटी क्रिकेटमध्ये 232 बळी घेतले आहेत, तर फलंदाजीत 33.76 च्या सरासरीने 2195 धावा केल्या आहेत. रवींद्र जडेजाने २०१२ नागपूरमध्ये इंग्लंडविरुद्ध कसोटीत पदार्पण केले होते.
महत्त्वाच्या बातम्या
- चौथे शतक ठोकताच ऋतुराज गायकवाडने केली विराटच्या ‘या’ विक्रमाशी बरोबरी
- ‘जे काही होत आहे ते चुकीचे’, द. आफ्रिका मालिकेनंतर बीसीसीआय विराट-रोहित सोबत करणार चर्चा
- मनात टिकटिक वाजत असताना रुपाली पाटील सोडणार का बाण?
- ‘मला राष्ट्रवादी, शिवसेनेची ऑफर पण…’, रुपाली पाटील यांचे स्पष्टीकरण
- ‘राऊत साहेब, शेतकऱ्यांसोबत पंक्तीला बसण्यासाठी 56 इंचाची छाती लागते’
