मुंबई : ‘राज्यपालांना सही करण्याचा प्रॉब्लमच आहे. तसेच राज्यपाल यांचा उल्लेख ‘पांढरा हत्ती” असे वक्तव्य शिवसेनेचे खासदार संजय राऊत यांनी केले होते. यावर आता भाजपा नेते अतुल भातखळकर यांनी संजय राऊतांवर टीका केली आहे. अगदीच मेंदू निकामी झाल्यासारखे वक्तव्ये राऊतांनी करु नये, असा टोला भातखळकरांनी लगावला आहे.
१२ आमदारांच्या नियुक्तीसंदभात राज्यपालांकडे दिलेल्या प्रस्तावर राज्यपाल भगतसिंग कोश्यारी यांनी अद्याप स्वाक्षरी केली नाही. त्यामुळे या आमदारांची नियुक्ती रखडली आहे. यावरुन शिवसेनेचे खासदार संजय राऊत यांनी राज्यपालांवर टीका केली आहे.
राज्यपालांचा उल्लेख शिवसेना खासदार संजय राऊत यांनी पांढरा हत्ती असा केलाय.
शिवसेनेकडून सभ्यपणाची अपेक्षा कोण करेल? पण अगदीच मेंदू निकामी झाल्यासारखे लोकांना वाटेल, अशी वक्तव्ये त्यांनी करू नये. pic.twitter.com/sLQXEILfU8— Atul Bhatkhalkar (@BhatkhalkarA) September 22, 2021
संजय राऊत म्हणाले, “राज्यपालांना सही करण्याचा प्रॉब्लम आहे, मात्र नेमका काय प्रॉब्लम आहे, ते माहित नाही. खरतर महाराष्ट्र मंत्रीमंडळांनी केलेल्या शिफारशी त्यांना स्वीकारणं बंधनकारक असतं, ते त्यांचं कर्तव्य आहे. हे भाजपा नेत्यांना कुणीतरी समजावून सांगितले पाहिजे. ते फक्त घटनेचा हवाला देतात, राज्यपालांनी आमच्या १२ आमदारांची नियुक्ती का रखडवली आहे, याचे कारण भाजपाच्या लोकांनी आम्हाला सांगावं. अलीकडच्या काळात अनेक ठिकाणी राज्यपाल आपल्या पदाचे अवमुल्यन करताना दिसून येतात. राज्यपाल पांढरे हत्ती झाले आहेत.” असे संजय राऊत भाजपावर टीका करताना म्हणाले होते.
यावर भाजपा नेते अतुल भातखळकर यांनी ट्विट करत टीका केली आहे. भातखळकर म्हणाले,
“राज्यपालांचा उल्लेख शिवसेना खासदार संजय राऊत यांनी पांढरा हत्ती असा केलाय. शिवसेनेकडून सभ्यपणाची अपेक्षा कोण करेल? पण अगदीच मेंदू निकामी झाल्यासारखे लोकांना वाटेल, अशी वक्तव्ये त्यांनी करू नये.” असा टोला भातखळकर यांनी राऊतांना लगावला आहे.
महत्वाच्या बातम्या
- दुर्घटनाग्रस्त हेलिकॉप्टर मधील जवानांना वाचवण्यासाठी स्थानिकांची ३ किमीची खडतर पायपीट, मात्र…
- ‘५६ आमदार असलेले मुख्यमंत्री होऊ शकतात, तर मग ११९ वाले राज्यसभेत का जाणार नाहीत?’
- राज्यसभा पोटनिवडणुकीसाठी संजय उपाध्याय यांचा उमेदवारी अर्ज दाखल
- ‘लायकीनुसार नुकसानीची किंमत ठरते मग राऊतांची किंमत सव्वा रुपया’; निलेश राणेंची टीका
- ‘संजय राऊत चंद्रकांत पाटलांवर ठोकणार सव्वा रुपयांचा अब्रूनुकसानीचा दावा’
बातम्यांसाठी YouTube चॅनेल Subscribe करा
Subscribe Now
