श्रीनगर : देशावर कोणत्याही प्रकारचं संकट आलं की छातीची ढाल करून सैन्य दल देशाच्या रक्षणासाठी आणि मदतीसाठी तय्यार असतं. देशातील कोणत्याही जिल्ह्यात गंभीर पूरस्थिती निर्माण झाली अथवा सुरक्षेचा प्रश्न निर्माण झाला कि स्थानिकांसाठी सैन्य दल हे खंबीरपणे उभे राहतात. आता सैन्य दलातील जवान संकटात असताना स्थानिकांनी त्यांच्या बचावासाठी पूर्ण क्षमतेने प्रयत्न केल्याची घटना समोर आली आहे.
जम्मू आणि काश्मीरमधील उधमपूर येथे सैन्य दलाचे हेलिकॉप्टर कोसळून अपघात झाला. त्यामध्ये, दोन जवान जखमी झाले होते. त्यांच्या मदतीसाठी स्थानिकांनी धाव घेतली. पत्नीटॉपच्या शीवगढ धार येथील परिसरात सैन्य दलाच्या हेलिकॉप्टरला अपघात झाला होता. त्यावेळी, हेलिकॉप्टरचे इंजिन सुरू असताना स्थानिकांनी धाव घेत पायलट आणि सहपायलट यांना बाहेर काढले. हा अपघात मुख्य रस्त्यापासून दूरच्या डोंगराळ भागात झाला होता.
या जवानांचे प्राण वाचवण्यासाठी स्थानिकांनी जीव देखील धोक्यात घातला. कारण इंजिन सुरु असल्याने अपघातानंतर स्फोट होण्याचा धोका होता. तरीही, स्थानिकांनी मदत व बचावकार्यासाठी पुढाकार घेतला. त्यांनी पायलट आणि सहपायलट या दोघांना बाजेवर टाकून तब्बल तीन किमीचा रस्ता डोंगरवाटांतून, पावसाच्या पाण्यातून पार केला. त्यानंतर, त्यांना करलाहपर्यंत गावकऱ्यांनीच पोहोचले. तोपर्यंत पोलीस आणि सैन्यातील काही अधिकारीही पोहोचले.
J&K | The wreath-laying ceremony of Major Rohit Kumar & Major Anuj Rajput was held in Udhampur today. They lost their lives in an army helicopter crash near Patnitop yesterday. pic.twitter.com/7jLd7H3ini
— ANI (@ANI) September 22, 2021
तेथे प्राथमिक उपचार घेतल्यानंतर ऊधमपूर येथील सैन्याच्या हॉस्पीटलमध्ये त्यांना पाठविण्यात आले. मात्र, एवढे प्रयत्न करूनही जवानांचा जीव वाचविण्यात अपयश आलं. दोन्ही जवानांच्या वीरमरणाच्या मृत्यूनंतर परिसरात शोककळा पसरली.
महत्वाच्या बातम्या
- ‘राऊत माझे मित्र आहेत, त्यांनी मानहानीची किंमत जास्त करावी’, चंद्रकांत पाटलांचा खोचक सल्ला’
- ‘५६ आमदार असलेले मुख्यमंत्री होऊ शकतात, तर मग ११९ वाले राज्यसभेत का जाणार नाहीत?’
- राज्यसभा पोटनिवडणुकीसाठी संजय उपाध्याय यांचा उमेदवारी अर्ज दाखल
- ‘लायकीनुसार नुकसानीची किंमत ठरते मग राऊतांची किंमत सव्वा रुपया’; निलेश राणेंची टीका
- ‘संजय राऊत चंद्रकांत पाटलांवर ठोकणार सव्वा रुपयांचा अब्रूनुकसानीचा दावा’
