इंग्लंडचा पाकिस्तान दौरा रद्द झाल्यानंतर भडकला रमीज राजा; म्हणाला, ‘याचा बदला मैदान-ए-जंगमध्ये घेऊ’

🕒 1 min read

इस्लामाबाद : सुरक्षा कारणांमुळे पाकिस्तान दौरा रद्द केल्यानंतर न्यूझीलंड क्रिकेट संघ मायदेशी परतला आहे. न्यूझीलंडने घेतलेल्या या  निर्णयाचा इतर संघांवरही परिणाम झाला आहे. न्यूझीलंडनंतर आता इंग्लंडनेही सुरक्षेचे कारण देत पाकिस्तान दौरा रद्द केला आहे. पाकिस्तान दौऱ्यावर इंग्लंड ऑक्टोबरमध्ये दोन टी -20 सामने खेळणार होता. त्याच वेळी, इंग्लंड महिला क्रिकेट संघ देखील पाकिस्तानच्या दौऱ्यावर येणार होता, परंतु ईसीबीने सोमवारी दौरा रद्द करण्याची घोषणा केली.

ईसीबीच्या या निर्णयानंतर पाकिस्तान क्रिकेट बोर्डाचे (पीसीबी) नवनिर्वाचित अध्यक्ष रमीज राजा हे भडकले आहेत. राजा यांनी इंग्लंड क्रिकेट बोर्डाच्या या निर्णयाबद्दल ट्वीट करून आपली निराशा व्यक्त केली आहे. तसेच दुसऱ्या एका निवेदनात इंग्लंडच्या खेळाडूंची खिल्ली उडवली आहे. ‘इंग्लंडने त्यांचे वचन न पाळण्याच्या आणि क्रिकेट विश्वातील सदस्याला अपयशी ठरवण्याच्या निर्णयामुळे निराश झालो,’ असे राजा यांनी ट्विट केले आहे. जेव्हा त्यांच्या मदतीची सर्वात जास्त गरज होती. इंशाअल्लाह आम्ही आमचे अस्तित्व वाचवू शकू. पाकिस्तानी संघाला झोपेतून जागे होण्याची आणि जगातील सर्वोत्तम संघ बनण्याच्या दिशेने वाटचाल करण्याची वेळ आली आहे. जेणेकरून जगभरातील संघ भविष्यात त्यांच्याशी सामने खेळण्यासाठी कोणत्याही सबबीशिवाय रांगेत उभे राहतील.

या संदर्भात दुसरे विधान करताना पीसीबी अध्यक्षांनी इंग्लंडच्या खेळाडूंना लक्ष्य केले. इंग्लंडचे खेळाडू पाकिस्तान सुपर लीगमध्ये खेळताना आनंदाने पाकिस्तानात येतात, पण जेव्हा एक संघ म्हणून असे करण्याचा विचार केला जातो तेव्हा त्यांना येथे भीती वाटते.

राजा म्हणाले की, इंग्लंडचा निर्णय निराशाजनक आहे आणि त्यांच्याकडून अशाच निर्णयाची अपेक्षा होती कारण दुर्दैवाने पाश्चिमात्य देश एकमेकांच्या बाजूने उभे आहेत. सुरक्षेचे कारण सांगून तुम्ही कोणताही निर्णय घेऊ शकता. ते पुढे म्हणाले, राग हा आहे की न्यूझीलंडचा संघ प्रथम येथून निघून गेला आणि त्यांना काय धोका होता हे न सांगता.

PCB Chairman Ramiz Raja reacts to @ECB_cricket decision to withdraw their sides from next month’s tour of Pakistan pic.twitter.com/hvPqHqdBcj

— Pakistan Cricket (@TheRealPCB) September 20, 2021

ते पुढे म्हणाले, जर आमची क्रिकेट अर्थव्यवस्था मोठी असती, तर त्यांनी दौऱ्याला कधीही नकार दिला नास्ता. जर पाकिस्तान हा जगातील सर्वोत्तम संघ असता तर त्यांनी आमच्याविरुद्ध खेळण्यास कधीही नकार दिला नसता. आपल्यासाठी धडा हा आहे की आपल्याला आपली क्रिकेट अर्थव्यवस्था मजबूत करावी लागेल. जेणेकरून त्यांची आवड कायम राहील. कारण जर खेळाडूंना जास्त पैसे मिळाले तर आम्हाला अधिक आदर मिळेल. त्याचप्रमाणे क्रिकेटमुळे आमचा आदर होईल.

वर्ल्डकपमध्ये भारतासह इंग्लंड-न्यूझीलंड संघ निशाण्यावर असतील

राजा पुढे म्हणाले, ‘आमचा संघ आणि चाहते या दोन देशांविरुद्ध आपला राग एका प्रकारे व्यक्त करू शकतात. जर आपण विश्वचषकाला गेलो तर, पूर्वी आमच्या शेजारी देश (भारत) आमच्या टार्गेटवर असायचा पण आता भारताबरोबर आणखी दोन संघांची नावे जोडा. त्यांना सांगा की आम्ही हरणार नाही. त्यांचा बदला आम्ही मैदान-ए-जंगमध्ये घेऊ.

टी -20 विश्वचषकापूर्वी दोन टी -20 सामने होणार होते

इंग्लंडचा संघ 16 वर्षांनंतर पाकिस्तानच्या दौऱ्यावर जाणार होता आणि येथे विश्वचषकापूर्वी 13 आणि 14 ऑक्टोबर रोजी रावळपिंडी येथे दोन टी -20 सामने खेळणार होता. त्याचबरोबर इंग्लंड महिला संघ पाकिस्तानच्या महिला संघासोबत 17, 19 आणि 21 ऑक्टोबर रोजी रावळपिंडीमध्ये तीन एकदिवसीय सामने खेळणार होता. इंग्लंडच्या महिला संघाचा हा पहिलाच पाकिस्तान दौरा झाला असता.

महत्त्वाच्या बातम्या

• करुणा शर्मांचा कोठडीतील मुक्काम एका दिवसाने वाढला, जामीन अर्जावर उद्या निकाल
•  ‘हे डोळे उघडण्यासारखे’, अपमानजनक पराभवानंतर विराटची प्रतिक्रिया
• पंतप्रधान मोदी आणि बायडन यांच्यात होणार प्रत्यक्ष महत्वाची बैठक; व्हाईट हाऊसने दिली माहिती
• महाराष्ट्र पुन्हा हादरला : नराधमांचा हैदोस, सामूहिक बलात्कार पीडितेचा दुर्दैवी मृत्यू
• पुणेकरांना आज मोठा दिलासा : नव्या कोरोना बाधितांची संख्या केवळ दोन आकडी