राजस्थान रॉयल्स संघा पुन्हा अडचणीत, प्रमुख खेळाडू दुखापतग्रस्त

मुंबई : आयपीएल २०२१ स्पर्धेच्या दुसऱ्या सत्राला येत्या १९ सप्टेंबर पासुन सुरुवात होणार आहे. या स्पर्धेसाठी सर्व संघानी तयारी सुरु केली आहे. यादरम्यान अनेक संघाचे खेळाडू हे आयपीएलमध्ये पुर्वतयारीसाठी पोहोचले आहे.

यादरम्यान आयपीएलमधील राजस्थान रॉयल्स संघाची अडचण दिवसेदिवस वाढतच चालली आहे. नुकत्याच पार पडलेल्या एका काऊंटी सामन्यात राजस्थान रॉयल्स संघाचा खेळाडू लियाम लिव्हिंगस्टोनला गंभीर दुखापत झाली आहे. त्याची दुखापत किती गंभीर आहे याबद्दल अधीक माहिती समोर आली नाही. मात्र जर त्याची दुखापत गंभीर असली तर राजस्थान रॉयल्स संघाच्या अडचणीत आणखीणच वाढ होऊ शकते.

नुकत्याच पार पडलेल्या ‘द हंड्रेड’ स्पर्धेत लियाम लिव्हिंगस्टोनने २२ चौकार आणि २७ षटकारांची बरसात केली होती. मात्र त्याला झालेल्या दुखापतीमुळे तो आयपीएल स्पर्धेला मुकला तर राजस्थान रॉयल्स संघाला खुप मोठा धक्का बसणार आहे. कारण यापुर्वी राजस्थान संघाच्या अनेक खेळाडूंनी विविध कारणामुळे स्पर्धेतून माघार घेतली आहे. स्पर्धा सुरुहोण्यापुर्वी जोस बटलर, बेन स्टोक्स आणि जोफ्रा आर्चर या खेळाडूंनी माघार घेतली होती.

महत्त्वाच्या बातम्या

• आयपीएलमध्ये पुन्हा १० संघ! स्पर्धेचे स्वरुपही बदलण्याची शक्यता
• आयपीएल २०२२ स्पर्धेतील दोन नव्या संघाची मुळ किंमत ठरली
• कोरोनाच्या प्रादुर्भावामुळे भारतीय महिला क्रिकेट संघाच्या ऑस्ट्रेलिया दौऱ्यात बदल
• ‘राज्यात कोरोना लाट येतेय म्हणे, लाट यायला समुद्र आहे काय?’, मनसेचा खोचक टोला
• दरड कोसळली: औट्रम घाटात मदतकार्य सुरू, जिल्हाधिकाऱ्यांनी केली पाहणी
• ‘अण्णा हजारे इतके दिवस कुठे होते?’, मंदिराच्या मुद्द्यावरून राज ठाकरेंचा सवाल