थरारक सामन्यात पंजाबच ठरला किंग; सॅमसनची झुंजार खेळी व्यर्थ

मुंबई : आयपीएलमधील सोमवारी झालेल्या रोमहर्षक सामन्यात पंजाब किंग्सने राजस्थान रॉयल्स संघाचा आखेरच्या चेंडुवर चार धावांनी विजय मिळवला. पंजाबने दिलेल्या २२२ धावांच्या बलाढ्य धावसंख्येपुढे राजस्थान रॉयल्सने जोरदार लढत देत सामना खेचून आणला. मात्र आखेरच्या चेंडुवर विजयासाठी ६ धावांची गरज असताना कर्णधार सॅमसन झेलबाद झाला.

या सामन्यात पंजाब किंग्सने प्रथम फलंदाजी करताना या हंगामात प्रथमच २०० धावांचा टप्पा ओलांडला. पंजाबकडून कर्णधार के एल राहुल आणि दिपक हुडा यांनी धडाकेबाज फलंदाजी करत अर्धशतके झळकावली. राहुलपेक्षा दिपक हुडाने राजस्थानच्या गोलंदाजाची धुलाई केली. अवघ्या २८ चेंडूत दिपक हुडाने ४ चौकार आणि ६ षटकाराच्या मदतीने ६४ धावांची वादळी खेळी साकारली. तर कर्णधार के एल राहुलने ५० चेंडुत ७ चौकार आणि ५ षटकाराच्या मदतीने ८० धावांची खेळी केली.

२२२ धावांचे लक्ष्याचा पाठलाग करायला मैदानावर उतरलेल्या राजस्थान संघाची सुरुवात निराशाजणक राहिली. त्यांचा आघाडीचा धडाकेबाज फलंदाज बेन स्टोक्स हा भोपळाही न फोडता माघारी तंबुत परतला. यांनतर फलंदाजीसाठी आलेल्या संजु सॅमसनने कर्णधारपदाला साजेशी खेळी करत यंदाच्या आयपीएलमधील आपले पहिले शतक झळकावले. संजुने यावेळी ६३ चेंडुत १२ चौकार आणि ७ षटकारांच्या मदतीने ११९ धावा केल्या. मात्र इतर फलंदाजाची त्याला साथ मिळाली नाही. मात्र एकाकी लढत देऊन त्याने सामना खेचून आणला. पण आखेरच्या चेंडुवर ६ धावांची गरज असताना तो झेलबाद झाला.

महत्वाच्या बातम्या

• माजी गृहमंत्री अनिल देशमुख यांना सीबीआयचे समन्स, १४ एप्रिलला होणार चौकशी
• पैठणच्या शेतकऱ्याचा माल थेट दिल्लीत
• १५ एप्रिल ते २५ एप्रिल पर्यंत लॉकडाऊन लावल्यास जनतेचे समर्थन : चंद्रकांत खैरे
• सिटीस्कॅन केंद्रानी स्थानिक प्रशासनाला माहिती देणे बंधनकारक : जिल्हाधिकारी
• रेमेडिसेविर इंजेक्शनचा काळाबाजार होणार नाही याची दक्षता घ्या : राजेश टोपे