पुण्यात आज कोरोनामुळे मृत्यूचा तांडव, ‘इतक्या’ रुग्णांनी गमावला जीव

पुणे : राज्यभरात कोरोनाने थैमान घातले आहे. दिवसेंदिवस कोरोना रुग्णांच्या संख्येत भर पडत आहे. पुण्यात तर कोरोनाने अक्षरशः हाहाकार उडाला आहे. आज (१६ एप्रिल) पुण्यात एकाच दिवशी तब्बल ५१ कोरोना बाधित रुग्णांना आपला जीव गमवावा लागला आहे.

पुणे महापालिका हद्दीत नव्याने ५१ कोरोनाबाधित रुग्णांच्या मृत्यूची नोंद झाली आहे. तर पुण्यात आजच्या नव्या संख्येसह मृतांची एकूण संख्या ६ हजार ००२ इतकी झाली आहे. पुणे शहरात आज नव्याने ५ हजार ३७३ कोरोनाबाधित रुग्णांची नोंद झाली असून पुणे शहरातील एकूण संख्या आता ३ लाख ५४ हजार ७९७ इतकी झाली आहे.

दरम्यान, पुणे शहरातील ५ हजार ०४९ कोरोनाबाधितांना आज डिस्चार्ज देण्यात आला असून पुणे शहरातील एकूण डिस्चार्ज संख्या २ लाख ९४ हजार १७१ झाली आहे. पुणे शहरात आज एकाच दिवसात २३ हजार ५६४ नमुने घेण्यात आले आहेत. शहराची एकूण टेस्ट संख्या आता १८ लाख ३२ हजार १५७ इतकी झाली आहे. पुणे शहरात उपचार घेणाऱ्या ५४ हजार ६२४ रुग्णांपैकी १,१९६ रुग्ण गंभीर तर ५,०४९ रुग्ण ऑक्सिजनद्वारे उपचार घेत आहेत.

महत्वाच्या बातम्या 

• बारामतीत कोरोनाप्रतिबंधक उपाययोजनांची अंमलबजावणी युद्धपातळीवर करण्याचे अजित पवारांचे निर्देश
• …तर मागच्यासारखा कडक लॉकडाऊन लावावाच लागेल – अजित पवार
• परळीच्या थर्मलमधील ऑक्सिजन प्लांट परभणीत स्थलांतर होणार
• ससून रुग्णालयातील निवासी डॉक्टर आज मध्यरात्री पासून जाणार संपावर
• कार्यालयात महिलांचा लैगिंक छळ होऊ नये यासाठी महिला व बाल विकास अधिकाऱ्यांनी केल्या ‘या’ सूचना!