भारताविरुद्ध पहिल्यांदाच जिंकल्याचा अभिमान : शाहीन आफ्रिदी 

🕒 1 min read

दुबई : पाकिस्तानने रविवारी टी -20 विश्वचषक सामन्यात भारताचा 10 विकेटच्या फरकाने पराभव करून विश्वचषकातील 29 वर्षांची पराभवाची मालिका संपवली. डावखुरा वेगवान गोलंदाज शाहीन शाह आफ्रिदीने पाकिस्तानची हरवलेली मालिका संपवण्यात सर्वात महत्वाची भूमिका बजावली.

शाहिनने नाणेफेक जिंकून प्रथम गोलंदाजी करण्याचा आपला कर्णधार बाबर आझमचा निर्णय सिद्ध केला. त्याने डावाच्या चौथ्या चेंडूवर हिटमन रोहित शर्माला बाद केले. रोहितला खातेही उघडता आले नाही. यानंतर, त्याने त्याच्या दुसऱ्या षटकाच्या शानदार इन-स्विंग चेंडूवर केएल राहुलला बोल्ड केले. राहुलने 8 चेंडूत 3 धावांची खेळी खेळली. शाहीनच्या शानदार स्पेलमुळे टीम इंडियाने 2.1 षटकात 6 धावांत 2 विकेट गमावल्या आणि अडचणीत सापडले. शाहीनने पहिल्या 7 चेंडूत भारतीय संघाला 2 मोठे धक्का दिले.

यानंतर 19व्या षटकात अर्धशतकी खेळी खेळून टीम इंडियाला सावरणाऱ्या शाहीननेही कर्णधार विराट कोहलीला मोहम्मद रिझवानच्या शानदार स्लो बाउन्सरवर विकेटच्या मागे झेलबाद केले. या सामन्यातील शाहीनची ही तिसरी विकेट होती. त्याने 4 षटकांत 31 धावा देऊन 3 गडी बाद केले, त्याचा बळी भारताचे अव्वल तीन खेळाडू रोहित शर्मा, केएल राहुल आणि विराट कोहली बनले.

शाहीनच्या घातक गोलंदाजीमुळे टीम इंडियाला मोठी धावसंख्या उभारण्यात अपयश आले. या शानदार गोलंदाजीसाठी शाहीनला सामनावीर म्हणून गौरवण्यात आले. सामनावीर ठरल्यानंतर शाहीन म्हणाला, ‘भारताविरुद्ध पहिल्यांदाच सामना जिंकल्याचा आम्हाला खूप अभिमान आहे. बाबर आणि रिझवान यांनी ज्या प्रकारे फलंदाजी केली ते कौतुकास्पद आहे.

शाहीनने त्याच्या स्विंग होणाऱ्या चेंडूंबद्दल सांगितले की, मी सुरुवातीपासून चेंडू स्विंग करण्याचा प्रयत्न करत होतो, येथील खेळपट्ट्यांवर चेंडू स्विंग होत नाही पण मी माझ्या बाजूने चेंडू स्विंग करण्याचा प्रयत्न केला. यासाठी मी कालही सराव केला होता आणि यशस्वी झालो.

विजयासाठी 152 धावांच्या लक्ष्याबाबत आफ्रिदी म्हणाला, ‘या खेळपट्टीवर चेंडू आधी थोडासा स्विंग होत होता. सुरुवातीला फलंदाजी करणे थोडे कठीण होते. धावसंख्येचा सहज पाठलाग होईल, सुरुवातीला थोडे अवघड जाईल, असे आम्हाला वाटले. पण आमचे सलामीवीर बाबर आझम आणि मोहम्मद रिझवान यांनी चांगली फलंदाजी केली.

भारताविरुद्ध विजयाने स्पर्धेची सुरुवात केल्यानंतर आता स्पर्धा सोपी होईल की नाही, यावर शाहीनने सांगितले की, दडपण थोडे हलके होईल पण विश्वचषकात सहभागी झालेले सर्व संघ मजबूत आहेत. या विजयातून अंतिम फेरीपर्यंत मजल मारण्याचा आमचा प्रयत्न असेल.

महत्वाच्या बातम्या

• वर्ल्ड कपमध्ये प्रथमच भारताचा पाकिस्तानकडून लाजिरवाणा पराभव! 
• एनसीबीद्वारे केंद्राकडून राज्याला बदनाम करण्याचा डाव; छगन भुजबळांचा मोदी सरकारवर निशाणा
• भुजबळांनी नांदगावच्या जागेचा नाद सोडावा, राऊतांचा सल्ला
• …म्हणून मोदी सरकार पेट्रोलचे दर कमी करणार नाही; पृथ्वीराज चव्हाणांची केंद्र सरकारवर टीका
• ‘दिलेले पॅकेजही तोकडे, पण ती मदतही दिवाळीपूर्वी शेतकऱ्यांच्या खात्यात जमा करा’, भाजपची मागणी