मुंबई : राज्यात १८ वर्षांवरील नागरिकांना कोरोना प्रतिबंधात्मक लसीकरणास सुरुवात झाली. गेल्या तीन महिन्यात लसीकरण मोहिमेमध्ये देशात महाराष्ट्राची कामगिरी विक्रमी राहीली आहे. प्रत्येक दिवशी आधीच्या विक्रमी कामगिरीपेक्षा सरस कामाची नोंद होत आहे. देशातील कोरोनाची दुसरी लाट आटोक्यात येत असताना तिसऱ्या लाटेचा धोका वर्तवण्यात आला आहे.
या पार्श्वभूमीवर देशातील कोरोना लसीकरण वेगानं सुरु आहे. कोरोना लसीकरणाची मोहिम राबवण्यात येत आहे. लसीकरणात महाराष्ट्र राज्यानं विक्रमी नोंद केली आहे. महाराष्ट्रात शनिवारी 8 लाख कोरोनाचे डोस देण्यात आले. महाराष्ट्रात शनिवारी 8 लाख 1 हजार 847 कोरोना लसीचे डोस देण्यात आले. राज्यानं यापूर्वीचा दैनंदिन रेकॉर्ड ब्रेक केला आहे. अतिरिक्त मुख्य सचिव डॉ. प्रदीप व्यास यांनी ही माहिती दिली आहे.
शनिवारी रात्रीपर्यंत राज्यात एकूण डोसची संख्या 3.39 कोटी होती. आम्ही कोविड लसीकरणात रेकॉर्ड ब्रेक केल्याचं व्यास यांनी सांगितलं आहे. याआधी सर्वोत्तम दैनंदिन रेकॉर्ड 26 जून रोजी नोंदवण्यात आला. 26 जून रोजी राज्यात 7 लाख 38 हजार 704 कोरोना लसीचे डोस देण्यात आले. गेल्या तीन महिन्यांपासून लसीकरण मोहिमेमध्ये राज्य सातत्याने सर्वोच्च स्थानावर असल्याचं, डॉ. व्यास यांनी सांगितलं.
महत्त्वाच्या बातम्या
- १५ हजार लसींचा साठा दोनच दिवसात संपला! औरंगाबादेत जम्बो लसीकरण मोहिमेला पुन्हा ब्रेक
- पीएचडी परिक्षा देणाऱ्या विद्यार्थ्यांना दिलासा, ऑनलाइन नोंदणीसाठी १५ जुलैपर्यंत मुदतवाढ!
- औरंगाबादकरांना आठवड्यातून दोनदा पाणी, पालकमंत्र्यांची घोषणा ठरली निव्वळ स्टंटबाजी!
- मराठा आक्रोश मोर्चा : ‘आता तारीख देणार नाही, थेट ऍटॅक करू’; नरेंद्र पाटलांचा इशारा
- केंद्र सरकारशी पंगा अंगलट ; ट्विटर विरोधात पाचवा गुन्हा दाखल
बातम्यांसाठी YouTube चॅनेल Subscribe करा
Subscribe Now
