मुंबई : महाराष्ट्र कांग्रेसमध्ये मोठी बातमी समोर आली आहे. काँग्रेस अध्यक्षपदासाठी राहुल गांधी यांच्या बिनविरोध निवडीला माजी मुख्यमंत्री आणि काँग्रेसनेते पृथ्वीराज चव्हाण यांनी विरोध केला आहे. राहुल गांधी यांच्या बिनविरोध निवडीचा ठराव काल मंजूर करण्यात आला. त्यानंतर पृथ्वीराज चव्हाण यांनी या निर्णयाला विरोध केला. कांग्रेस अध्यक्षपदाच्या निवडणुकीत राहुल गांधी यांनी सहभाग घ्यावा, असे पृथ्वीराज चव्हाण यांनी म्हटले आहे.
पृथ्वीराज चव्हाण यांनी यापूर्वी देखील पक्षविरोधी भूमिका घेतली आहे. यापूर्वी इंडियन ओव्हरसीज काँग्रेसचे सचिव वीरेंद्र वशिष्ठ यांनी नुकत्याच झालेल्या टेलिव्हिजन डिबेट शोमध्ये राहुल गांधींविरोधात बोलल्याबद्दल महाराष्ट्राचे माजी मुख्यमंत्री पृथ्वीराज चव्हाण यांचा निषेध केला होता. यासोबतच काँग्रेस नेते वीरेंद्र वशिष्ठ यांनी काँग्रेस पक्षाच्या शिस्तपालन समितीचे प्रमुख तारिक अन्वर यांना मेल पाठवून माजी मुख्यमंत्र्यांवर कारवाई करण्याची मागणी केली होती.
गुलाम नबी आझाद यांची भेट घेतली-
महाराष्ट्राच्या माजी मुख्यमंत्र्यांनी 30 ऑगस्ट रोजी जी-23 गटाचा भाग असलेले गुलाम नबी आझाद यांची भेट घेतली होती. पृथ्वीराज चव्हाण यांच्यासोबत झालेल्या या बैठकीत हरियाणाचे माजी मुख्यमंत्री भूपेंद्र हुडा आणि आनंद शर्मा हेही जी-23 चे सदस्य होते. काँग्रेसच्या जी-23 नेत्यांमध्ये शशी थरूर, गुलाम नबी आझाद (माजी काँग्रेस नेते), मणिशंकर अय्यर, मनीष तिवारी यांचा समावेश आहे ज्यांनी काँग्रेस पक्षात संघटनात्मक बदलाबाबत आवाज उठवला आहे.
जी-23 च्या नेत्यांनी ऑगस्ट 2020 मध्ये काँग्रेस अध्यक्षांना पत्र लिहून संघटनेत बदल आणि सर्व स्तरांवर निवडणुका घेण्याची मागणी केली होती. आनंद शर्मा, पृथ्वीराज चव्हाण आणि भूपिंदर सिंग हुड्डा यांनी गुलाम नबी आझाद यांच्यासोबत जी-23 च्या भविष्यातील रणनीतीवर चर्चा केल्याचे समजते.
महत्वाच्या बातम्या :
- Shivsena | दसरा मेळाव्यावरुन शिवसेना आक्रमक! घेतला ‘हा’ मोठा निर्णय
- Kishori Pednekar | तुमच्या बापाचं नाव तुमच्या आईला विचारायला जायचं का?, किशोरी पेडणेकर कदमांवर संतापल्या
- Weight Loss Tips | डायटिंग न करता वजन कमी करायचय? मग ‘या’ टिप्स करा
- BJP । “पवारांची आणि रामराजेंची बेनामी संपत्ती एकत्र केली तर महाराष्ट्राचे साडेपाच कोटीचे कर्ज संपून जाईल”
- Jayakumar Gore । हा बैल 25 वर्ष बसलाय, आता बदला; जयकुमार गोरेंचा रोख रामराजे निंबाळकरांकडे?
