Shivsena | दसरा मेळाव्यावरुन शिवसेना आक्रमक! घेतला ‘हा’ मोठा निर्णय

🕒 1 min read

मुंबई : दसरा मेळाव्यावरुन राज्यात राजकारण चांगलच तापल आहे. शिंदे गट आणि मुळ शिवसेना दसरा मेळावा घेणार आहेत. शिंदे गटाला दसरा मेळावा घेण्यासाठी बीकेसी मैदान मिळाले. मात्र शिवसेनेच्या परवानगी अर्जावर अजूनही टांगती तलवार आहे. दरम्यान शिवसेना आक्रमक झाली आहे. शिवसेनेचे शिष्टमंडळ आज मुंबई पालिकेच्या जी नॉर्थ कार्यालयात जाणार आहे. शिवाजी पार्कवरील दसरा मेळाव्याबाबत निर्णय न झाल्यामुळे सेना आता आक्रमक झाली आहे.

दोन्ही गट मूळ शिवसेना असल्याचा दावा करत आहेत. तर शिवसैनिक आजही आपल्या पाठिशी आहेत, असा संदेश शिवसेना पक्षप्रमुख उद्धव ठाकरे यांना दसरा मेळाव्यातून द्यायचा आहे, मात्र त्याच्या परवानगीबाबत अनेक तर्कवितर्क लावले जात आहेत. शिंदे गटाने दसरा मेळाव्यासाठी बीकेसी मैदानासाठी अर्ज दखल केला होता. यानंतर आता आता सूत्रांकडून मोठी माहिती समोर आली आहे.

बीकेसी मैदानावर शिंदे गटाचा दसरा मेळावा होणार –

बीकेसीतील मैदानावर शिंदे गटाचा दसरा मेळावा होणार असल्याची माहिती सूत्रांकडून मिळत आहे. दसरा मेळाव्यासाठी शिंदे गटाचा अर्ज महापालिकेने स्विकारल्याची माहिती देखील समोर येत आहे. सूत्रांकडून मिळालेल्या माहितीनुसार शिवसेनेच्या वतीने देखील दसरा मेळाव्यासाठी बीकेसीतील मैदानाची मागणी करण्यात आली होती. मात्र महापालिकेकडून शिवसेनेचा अर्ज फेटाळण्यात आल्याची माहिती समोर येत आहे.

दसरा मेळावा शिवतीर्थावरच होणार! – उद्धव ठाकरे

शिवसेना पक्षप्रमुख आणि माजी मुख्यमंत्री उद्धव ठाकरेंनी शिवसैनिकांना तयारीला लागण्याचा आदेश दिला आहे. उद्धव ठाकरेंनी शिवसेनेचे विभाग प्रमुख आणि उपविभाग प्रमुखांसह शिवसेना भवनात पदाधिकाऱ्यांची बैठक बोलावली होती. या बैठकीमध्ये दसरा मेळावा संदर्भात नेत्यांना आदेश देण्यात आले आहेत. यादरम्यान शिवतीर्थावर दसरा मेळावा शिवसेनेचाच होणार त्यामुळे मनात कोणताही संभ्रम न ठेवता महिला आघाडी, युवा सेना, शिवसेनिकांसोबत घ्या, असा आदेश उद्धव ठाकरे यांनी दिला आहे.

महत्वाच्या बातम्या :

• Kishori Pednekar | तुमच्या बापाचं नाव तुमच्या आईला विचारायला जायचं का?, किशोरी पेडणेकर कदमांवर संतापल्या
• Weight Loss Tips | डायटिंग न करता वजन कमी करायचय? मग ‘या’ टिप्स करा
• BJP । “पवारांची आणि रामराजेंची बेनामी संपत्ती एकत्र केली तर महाराष्ट्राचे साडेपाच कोटीचे कर्ज संपून जाईल”
• Jayakumar Gore । हा बैल 25 वर्ष बसलाय, आता बदला; जयकुमार गोरेंचा रोख रामराजे निंबाळकरांकडे?
• Nikhil Wagle । मराठी ‘भाऊबळी’ चित्रपटाचा शो रद्द झाल्याने निखिल वागळेंची संतप्त फेसबुक पोस्ट