राष्ट्रपती रामनाथ कोविंद रत्नागिरी दौऱ्यावर, डॉ.बाबासाहेब आंबेडकरांच्या मूळगावाला देणार भेट

रत्नागिरी : भारताचे राष्ट्रपती डॉ.रामनाथ कोविंद(Ramnath Kovind) हे उद्या(१२ फेब्रु.)रत्नागिरी दौऱ्यावर येणार असून यावेळी ते डॉ.बाबासाहेब आंबेडकर(Dr. Babasaheb Ambedkar) यांच्या मंडणगड तालुक्यातील आंबडवे या मूळगावाला देखील भेट देणार आहेत. दरम्यान, या दौर्‍याकरिता रत्नागिरी जिल्ह्यातील सर्व प्रशासकीय अधिकारी कामाला लागले असून मंडणगड तालुक्याला काही प्रमाणात लष्करी छावणीचे स्वरूप आल्याचे बघायला मिळत आहे.

राष्ट्रपतींच्या स्वागताची जंगी तयारी सुरु झाली असून सार्वजनिक बांधकाम विभागातर्फे मंडणगड शहरापासून चार किलोमीटर लांबीवर असलेल्या शिरगाव येथील मोकळ्या मैदानात पक्के डांबरीकरण केलेले हेलिपॅड निर्मितीचे काम हाती घेण्यात आले आहे. तसेच या संपूर्ण दौऱ्यावर पोलिसांसह गुप्तचर यंत्रणाची बारीक नजर असणार आहे.

दरम्यान, यापूर्वी महापरिनिर्वाणदिनी राष्ट्रपती महामानावाला अभिवादन करण्यासाठी आंबडवे या गावी येणार होते, परंतु काही तांत्रिक अडचणींमुळे हा दौरा रद्द करण्यात आला होता.

महत्वाच्या बातम्या:

• Uttarakhand Assembly Election 2022: ‘सबमें डालो फूट, मिलकर करो लूट’ हाच कॉंग्रेसचा फॉर्मूला- नरेंद्र मोदी
• पुणे महानगरपालिकेत राष्ट्रवादीमध्ये आघाडीसाठी बिघाडी
• …हा प्रकल्प संपूर्ण देशाच्या प्रगतीसाठी मैलाचा दगड ठरेल- नितीन गडकरी
• जालन्यात नात्याला काळीमा फासणारी घटना; दीरानेचं केला वाहिनीवर बलात्कार
• महाराष्ट्राचे मदत व पुनर्वसन मंत्री विजय वडेट्टीवार यांचा कोरोना बाबतीत मोठा खुलासा