नागपूर : नागपूरात खाजगी रुग्णालयातील बेड्स श्रीमंतांनी अडविल्याची धक्कादायक माहिती पुढं आलीय. खुद्द महापौर संदीप जोशी यांनी हे वास्तव मान्य केलंय. नागपूरात कोरोना रुग्णांची स्थिती स्फोटक आहे. कोरोना रुग्णांचा आकडा 53 हजारावर गेला आहे. सरकारी आणि खाजगी रुग्णालयात बेड्स उपलब्ध नसल्यामुळे उपचाराअभावी रुग्णांचा जीव जातोय. याचीच भीती बाळगून काही श्रीमंतांनी ‘आपल्याला कोरोनाची लागन झाली तर बेड्स मिळावेत, यासाठी खाजगी रुग्णालयातील बेड्स आरक्षित करून ठेवले आहेत. त्यामुळं गंभीर रुग्णांना बेड्स मिळत नसल्याचं चित्र आहे.
दुसरीकडे रुग्णांवर उपचार करणाऱ्या तीन हजार डॉक्टर, परिचारिका आणि वैद्यकीय क्षेत्रात काम करणाऱ्या कर्मचाऱ्यांना कोरोनाची लागण झाली आहे. महापालिकेच्या मुख्य आणि झोनल कार्यालयातील अनेकांना कोरोनाची लागण झालीय. त्यामुळं शहरातील कोरोना विरुद्ध लढणारी यंत्रणा कोसळली आहे. त्यामुळं आरोग्य यंत्रणेवरचा ताण वाढलेला आहे. अशा परिस्थितीत नागरिकांनी जबाबदारीनं वागून, नियमांचे पालन करावे, असं आवाहन महापौर संदीप जोशी यांनी केले आहे.
पहा व्हिडिओ :
https://www.facebook.com/MahaDeshaa/videos/371339197587309/
महत्वाच्या बातम्या :
- कांदा प्रश्न पेटला, सुभाष भामरे पियुष गोयल यांच्या भेटीला !
- ‘उत्तर प्रदेशचे मुख्यमंत्री महाराजांचा जयजयकार करतात तर महाराष्ट्राचे सत्ताधारी महाराजांच्या वंशजांकडे पुरावे मागतात’
- योगी आदित्यनाथांचा निर्णय अभिमानास्पद- खा. उदयनराजे भोसले
- राज्यात सप्टेंबर अखेर शाळा सुरू होणे अवघडच; शिक्षण मंत्री वर्षा गायकवाड यांची माहिती
- आदिवासी भागातील विद्यापीठाचे मॉडेल आवडले उच्च व तंत्रशिक्षण मंत्र्यांना… नक्की वाचा काय आहे हे मॉडेल!
