मुंबई – काँग्रेसच्या नेतृत्वावर निशाणा साधत शिवसेना नेते खासदार संजय राऊत यांच्याकडून सातत्याने युपीएचं नेतृत्व बदलाची वक्तव्य करत आहेत. युपीएचं नेतृत्व शरद पवार यांनी करावे, असं ते सातत्याने म्हणत आहेत. त्यावरून काँग्रेसच्या नेत्यांनी नाराजी व्यक्त केली आहे.
दरम्यान,याच मुद्द्यावरून आता कॉंग्रेस आणि शिवसेना यांच्यात जुंपली आहे. काँग्रेसने मात्र राऊत यांची ही मागणी फेटाळून लावली आहे. काँग्रेसचे प्रदेशाध्यक्ष नाना पटोले यांनी राऊत नेमके कुणाचे प्रवक्ते आहेत हे त्यांनी जाहीर करावं, अशी मागणी केली आहे.
संजय राऊत उठसूट काँग्रेसविरोधात बोलत असतील तर आम्हालाही विचार करावा लागेल, राज्यातील ठाकरे सरकार काँग्रेसच्या टेकूवर अस्तित्वात आलेय, हे शिवसेनेने लक्षात ठेवावे असा इशारा दिला आहे. तसेच राऊतांनी युपीएसाठी शरद पवारांची वकीली बंद करावी असेही बजावले आहे.
दरम्यान, शिवसेना आणि कॉंग्रेसमध्ये शीतयुद्ध सुरु असताना आता या वादात राष्ट्रवादीने देखील उडी घेतली आहे. राष्ट्रवादी कॉंग्रेसचे महाराष्ट्र प्रदेश प्रवक्ता प्रवीण कुंटे पाटील यांनी पटोले यांना चांगलेच खडेबोल सुनावले आहेत.
श्री नाना भाऊ पटोले यांनी तारतम्य ठेवून बोलावं अशी अपेक्षा आहे .मा.पवार साहेबांमुळेच आज काँग्रेस राज्यात सत्तेमध्ये आहे याचे भान त्यांनी ठेवावे.उगाच धमक्या देण्यापेक्षा सत्तेच्या बाहेर पडून दाखवाच मग कळेल सर्व @NANA_PATOLE @praful_patel @Jayant_R_Patil @NCPspeaks
— Pravin Kunte (Patil) (@kunte_patil) March 27, 2021
नाना पटोले यांच्या वक्तव्यानंतर केलेल्या ट्विटमध्ये कुंटे पाटील म्हणतात की, ‘श्री नाना भाऊ पटोले यांनी तारतम्य ठेवून बोलावं अशी अपेक्षा आहे. मा. पवार साहेबांमुळेच आज काँग्रेस राज्यात सत्तेमध्ये आहे, याचे भान त्यांनी ठेवावे. उगाच धमक्या देण्यापेक्षा सत्तेच्या बाहेर पडून दाखवाच. मग कळेल सर्व’, असे म्हणत कुंटे पाटलांनी थेट नाना पटोले यांना लक्ष्य केले आहे.
महत्वाच्या बातम्या
- ये बॅट हमको दे, दे ठाकूर ; शार्दुलच्या शानदार षटकारावर स्टोक्स फिदा
- ‘रिषभ जर असाच खेळत राहिला तर तो ‘या’ दोघांनाही मागे टाकेल’
- शार्दुल-भुवनेश्वरला पुरस्कार न मिळाल्याने विराट भडकला, म्हणाला…
- विजयाचा गुलाल लावत टीम इंडियाची होळी साजरी
- जिल्हा परिषदेचे मुख्य कार्यकारी अधिकारी यांनी घेतला कोव्हिड वॉर रुमचा आढावा
बातम्यांसाठी YouTube चॅनेल Subscribe करा
Subscribe Now
