सांगली : रयत क्रांती संघटनेचे अध्यक्ष सदाभाऊ खोत गेल्या काही दिवसांपासून स्वाभिमानी संघटनेचे सर्वेसर्वा राजू शेट्टी यांच्यावर जहरी टीका करत आहेत. एकेकाळचे घनिष्ट मित्र असलेले खोत आणि शेट्टी यांच्यातून सध्या विस्तवही जात नाहीये. एकमेकांवर टीका करत असताना त्यांच्या कार्यकर्त्यांमध्ये अनेकदा वादही झाले आहेत. मात्र, आता हा वाद थेट विकोपाला पाहायला मिळत आहे.
सदाभाऊंचा मुलगा तथा रयत क्रांती संघटनेचे युवा कार्याध्यक्ष सागर खोतसह चौघांनी वाळवा तालुक्यातील तांबवे गावातील स्वाभिमानी शेतकरी संघटनेच्या रविकिरण माने या कार्यकर्त्याला सोमवारी रात्री ९ च्या सुमारास बेदम मारहाण केल्याचा प्रकार समोर आला आहे. माने यांच्या घरात घुसून चाकू, तलवारी, गुप्ती घेऊन लाथा बुक्क्यांनी मारहाण करत शिवीगाळ करुन जीवे मारण्याची धमकी दिल्याचे तक्रारीत म्हटले आहे. या प्रकरणी कासेगाव पोलिसात सागर खोतसह चौंघावर गुन्हा दाखल करण्यात आला आहे.
तक्रारीत म्हटले आहे की, स्वाभिमानी शेतकरी संघटनेचा वाळवा तालुका युवक आघाडीचा मी अध्यक्ष आहे. माजी खासदार राजू शेट्टी यांच्या स्वाभिमानी शेतकरी संघटनेच्या माध्यमातून शेतकरी आंदोलन व संघटनेचे काम करतो. या कारणाने रयत क्रांती संघटनेचे कार्यकर्ते माझ्यावर चिडुन होते.
रयत क्रांती संघटनेचे संस्थापक अध्यक्ष सदाभाऊ खोत यांचेवर शेतकरी हितावरुन टिका केलेचा राग मनात धरून माझ्यावर हल्ला केला. यावेळी तु सदाभाऊंवर टीका करतोस. तुला मस्ती आली आहे’ असे म्हणून शिवीगाळ करुन जीवे मारण्याची धमकी दिली. त्यावेळी भास्कर विष्णु मोरे व विश्वास वसंत जाधव यांनी विरोध केला. परंतु चौघांनी धक्काबुक्की करुन ढकलून दिले .आरडाओरडा केल्यानंतर ते घरातुन बाहेर गेले. या घटनेची तक्रार कासेगाव पोलिसात दिली आहे. याबाबत सागर खोतसह चौघांवर विविध गुन्हे दाखल झाले आहेत.
महत्वाच्या बातम्या
- अनिल परब यांचे निकटवर्तीय बजरंग खरमाटेंची ईडीकडून ८ तास चौकशी
- भारतीय हिंदू आणि मुस्लिमांचे पूर्वज समान, ब्रिटिशांनी आपसात गैरसमज निर्माण केले- मोहन भागवत
- त्याला का संधी दिली नाही?, विराटचं उत्तर ऐकून अश्विनसह अनेकांना बसेल धक्का
- ‘कोरोना चायनीज व्हायरस ऐवजी महाराष्ट्र सरकार व्हायरस म्हणून जगात ओळखला जाईल’
- ‘माझा मुलगाही खोटारड्या वाघांबरोबर नेहमी खेळतो’, मेहबूब शेख यांचा खोचक टोला
