तलावरीचे गावात प्रदर्शन करणाऱ्याला पोलिसांनी घेतले ताब्यात

औरंगाबाद : अवैधरीत्या विनापरवाना तलवार बाळगून त्या तलावरीचे गावात प्रदर्शन करणाऱ्या आरोपीस पोलिसांनी तलवारीसह ताब्यात घेतले असून आरोपी विरूध्द भारतीय हत्यार अधिनियम प्रमाणे फर्दापूर पोलिस ठाण्यात गुन्हा दाखल करण्यात आला आहे ही कारवाई सापोनि प्रतापसिंह बहूरे यांच्या मार्गदर्शना वरुन पोउपनि युवराज शिंदे पो.अ ज्ञानेश्वर सरताळे मपोअ ज्योती परळे यांच्या पथकाने सोयगाव तालुक्यातील पळसखेडा येथे केली.

सलीम गंभीर तडवी (वय ३५ रा.पळसखेडा ता.सोयगाव) असे आरोपीचे नाव आहे. या बाबत पोलिस सुत्रांन कडून प्राप्त खात्रीशीर माहिती अशी की शुक्रवारी सायंकाळी फर्दापूर पोलिस ठाण्याचे पथक पळसखेडा येथे गस्त घालत असतांना पळसखेडा येथील सलिम गंभीर तडवी यांने विनापरवाना अवैधरीत्या तलवार बाळगली असल्याची व त्या तलवारीचे तो गावात खुलेआम प्रदर्शन करीत असल्याची माहिती गुप्त बातमीदाराच्या माध्यमातून पोलिसांना प्राप्त झाली.

या माहितीच्या आधारे सापोनि प्रतापसिंह बहूरे यांच्या मार्गदर्शनावरुन पोउपनि युवराज शिंदे पो.अ ज्ञानेश्वर सरताळे मपोअ ज्योती परळे यांच्या पथकाने आरोपीच्या घरी जावून तपासणी केली असता आरोपीने विनापरवाना अवैधरीत्या बाळगलेली तलवार मिळून आली दरम्यान पोलिसांनी तलवारीसह आरोपीस ताब्यात घेऊन पो.अ धनराज खाकरे यांच्या फिर्यादी वरुन फर्दापूर पोलिस ठाण्यात आरोपी सलीम गंभीर तडवी विरूध्द भारतीय हत्यार अधिनियम प्रमाणे गुन्हा दाखल करण्यात आला आहे.

महत्त्वाच्या बातम्या

• ‘सांगली, कोल्हापूरमधील परिस्थिती बिकट ; मदतकार्यासाठी जाणार’ ; खासदार संभाजीराजे
• मिलरच्या नाबाद खेळीमुळे दक्षिण आफ्रिकेची आर्यलँडवर ४२ धावांनी मात
• ‘कौरव आणि भाजप नेत्यांची भाषा एकच.. शेवट आपल्याला माहितीच आहे’
• बचावकार्याचा वेग वाढवून राज्य सरकारने पूरग्रस्तांना आर्थिक मदत करावी – आठवले
• दुसऱ्या टी-२० सामन्यात झिंबाब्वेचा बांग्लादेशवर धक्कादायक २३ धावांनी विजय