पोलीस बंदोबस्तात पार पडली ‘पोलीसां’ची परीक्षा!

औरंगाबाद : औरंगाबाद शहर पोलीस दलाच्या आस्थापनेवरील रिक्त असलेल्या २४  चालक पोलीस शिपाई पदासाठी पोलीस भरती करीता बुधवारी (दि.८) शहरातील दहा केंद्रावर परीक्षा घेण्यात आली. पोलिसांच्या कडक बंदोबस्तात ही परीक्षा घेण्यात आली. यावेळी सोशल डिस्टंसिंगच्या नियमांसह कोरोना नियमांचेही पालन करण्यात आले.

पोलीस दलाच्या आस्थापनेवर चालक, पोलीस, शिपाई पदासाठी २४ पदे रिक्त आहेत. या पदांसाठी बुधवारी सकाळी १० ते ११ :३० या वेळेत लेखी परीक्षा घेण्यात आली. यावेळी शहरातील सरस्वती भुवन, मराठा हायस्कूल, एमआयटी, जयभवानी हायस्कूल सह आदी केंद्रावर परीक्षा घेण्यात आली.

या परिक्षेसाठी एकूण ३ हजार ३६० उमेदवारांनी नोंदणी केली होती. सदरील परीक्षेसाठी आलेल्या परीक्षार्थींची पोलिसांनी कडक तपासणी केली. तसेच कोरोनाच्या पार्श्वभूमीवर परीक्षार्थींना मास्क लावूनच केंद्रात सोडण्यात आले. यावेळी सोशल डिस्टंसिंगचा अवलंब करण्यात आला होता. मास्क आणि सॅनिटाइजरचा वापर करण्यात आला. सुरक्षित अंतर ठेवून परीक्षा सुरळीत घेण्यात आली.

महत्त्वाच्या बातम्या

• पंकज तडस यांच्याविरोधात महिला काँग्रेसने एसपींना दिले निवेदन; कारवाईची केली मागणी
• वाईटाच्या अंताची सुरुवात; भाईजानचा ‘अंतिम’ चे पोस्टर प्रदर्शित
• अहंकार बाजूला ठेवून ‘या’ दोन अपेक्षा पूर्ण कराच ; संजय राऊतांचे भाजपला खुले आव्हान
• सोमय्या-पडळकरांचा ‘तो’ प्लॅन फसला; बारामती दौरा झाला रद्द
• ‘देशात धर्मनिरपेक्षतेच्या नावाखाली मुस्लिमांची फसवणूक’, एमआयएम खा.ओवैसींची टीका