शहरासाठी २१८ मेट्रिक टन ऑक्सिजन उपलब्ध करण्यासाठी उपाय योजना करा, खंडपीठाचे निर्देश 

औरंंगाबाद : शहरातील विविध कोव्हिड रूग्णालयात रूग्णांसाठी अत्यावश्यक असणारा २१८ मेट्रिक टन ऑक्सिजनचा साठा नियमितरित्या उपलब्ध करून देण्यासाठी येत्या ४८ तासात उपाय-योजना कराव्यात असे निर्देश मुंबई उच्च न्यायालयाच्या औरंगाबाद खंडपीठाचे न्यायमूर्ती रवींद्र घुगे व न्या.बी.यू.देबडवार यांनी अन्न व औषध विभागाला नुकतेच दिले आहेत.

शहरातील रुग्णालयांतून ऑक्सिजन तुटवड्यासंदर्भात गुरुवारी झालेल्या सुनावणीत विभागीय आयुक्त सुनील केंद्रेकर यांनी स्वतः हजर राहून सविस्तर माहिती दिली. औरंगाबादेत मराठवाडा तसेच लगतच्या राज्यांतूनही रुग्ण येत आहेत. त्यामुळे ऑक्सिजनची गरज वाढली आहे. म्हणून विविध ठिकाणांहून तो उपलब्ध करणे तसेच स्थानिक पातळीवर निर्मिती करण्यासाठी काम होत आहे. राज्य शासनाकडेही मागणी नोंदविण्यात आल्याची माहिती केंद्रेकर यांनी दिली.

त्यावर खंडपीठाने समाधान व्यक्त केले. कोरोना रुग्णांना रुग्णवाहिका ग्रामीण भागातील कोरोना रुग्णांना शहरातील रुग्णालयांपर्यंत आणण्यासाठी शासकीय वाहनांच्या उपलब्धतेविषयीची माहिती सादर करण्यात आली. राज्य शासनातर्फे लवकरच आणखीन सुसज्ज रुग्णवाहिका उपलब्ध होतील, असे सांगण्यात आले. यावर खंडपीठाने समाधान व्यक्त केले. ग्रामीण भागातील रुग्णांची कोणत्याही प्रकारे हेळसांड होणार नाही, याची काळजी घेण्याचे आवाहन केले.

महत्वाच्या बातम्या

• अवैध वाळू उपसा; पोलिसांच्या कारवाईत ४० ब्रास वाळू जप्त
• बाप रे!! निधीच्या ‘कोको’ला शोधून दिल्यास १ लाख रुपये मिळणार
• आमीर खानने ‘रंगीला’ चित्रपटानंतर राम गोपाल वर्मा यांच्यासोबत ‘या’ कारणांमुळे केले नव्हते काम
• ‘जो कहता था गंगा ने बुलाया है, उसने माँ गंगा को रुलाया है…’
• ‘वाह रे मोदी तेरा खेल, सोने के दाम में बिकता तेल’