“महाराष्ट्राविषयी द्वेष असणाऱ्या लोकांना जी भाषा समजते त्याच भाषेतच बोलावं”, संजय राऊतांचे ‘त्या’ वक्तव्यावर स्पष्टीकरण

नागपूर: शिवसेनेचे खासदार संजय राऊत (Shiv Sena MP Sanjay Raut)  यांनी काल (२० फेब्रुवारी) भाजप नेते किरीट सोमय्या(BJP leader Kirit Somaiya) यांच्याबाबत अपशब्द काढले होते. आपल्या वक्तव्याबाबतच आज त्यांनी पत्रकारांशी संवाद साधताना स्प्ष्टीकरण दिले आहे.

संजय राऊत म्हणाले की, “जे महाराष्ट्र द्रोही आहेत, जे मराठी द्वेष्टे आहेत, जे भ्रष्टाचारी आहेत आणि ज्यांच्या मनात महाराष्ट्राविषयी द्वेष आहे, अशा लोकांना जी भाषा समजते त्याच भाषेतच बोलावं असं आमचे संत सांगून गेले आहेत.” यावेळी त्यांनी ‘तुका म्‍हणे ऐशा नरा। मोजून माराव्या पैजारा’ असे म्हणत आपल्या वक्तव्याचे स्पष्टीकरण दिले.

तसेच एखादा महाराष्ट्रद्रोही राजकीय पक्षाचा बुरखा घालून आमच्यावर ठुमकत असेल तर मला वाटतं मी खूपच सौम्य भाषा वापरली आहे. असेही राऊत यांनी म्हटले आहे. दरम्यान यावेळी त्यांनी कॉंग्रेस सोबतच्या आघाडीबाबतही विधान केले आहे. ते म्हणाले की, “आम्ही हे कधीच नाही म्हणालो की, काँग्रेस शिवाय आघाडी बनवायची आहे. जेव्हा ममता बॅनर्जींनी असं सूतोवाच केलं होतं तेव्हा शिवसेना पहिला पक्ष होता ज्यांनी काँग्रेससोबतच नवी आघाडी बनली पाहिजे, असे म्हटले होते.”

महत्वाच्या बातम्या:

• पालकमंत्री एकनाथ शिंदेंना धक्का; किसननगरमधील शिवसैनिक भाजपात
• संजय राऊतांनी दिला चंद्रशेखर राव यांना कानमंत्र; म्हणाले…
• ‘तुम्ही शिवसेनेचं प्रोडक्ट आहात’; दादा भुसेंचा नारायण राणेंना खोचक टोला
• ‘बिगर एनडीए मुख्यमंत्री लवकरच…’; के चंद्रशेखर राव यांचे वक्तव्य
• “महाराष्ट्र आणि तेलंगणा भाऊ-भाऊ, हजार किलोमीटरचे अंतर असूनही…”, चंद्रशेखर राव यांचे मोठे विधान