पवारांनी अनेकवेळा शारीरिक संकटावर मात करून महाराष्ट्राला पुढे नेलय; आव्हाडांची भावुक पोस्ट

मुंबई : राष्ट्रवादीचे अध्यक्ष शरद पवार यांना ब्रीच कँडी रुग्णालयात दाखल करण्यात आले आहे. शरद पवार यांच्या पोटात दुखू लागल्याने रुग्णालयात दाखल करण्यात आले असून त्यांना पित्ताशयाचा त्रास असल्याचं समोर आलं आहे.शरद पवार यांची प्रकृत्ती स्थिर असल्याचं राष्ट्रवादीचे प्रवक्ते व मंत्री नवाब मलिक यांनी सांगितलं. नवाब मलिक यांनी ट्विट करून शरद पवार यांच्या प्रकृतीची माहिती दिली आहे.

शरद पवार यांना रुग्णालयात दाखल केल्याचे समजताच विविध नेत्यांनी त्यांची विचारपूस केली आहे. शरद पवार यांचे निकटवर्तीय, राष्ट्रवादी काँग्रेसचे नेते व मंत्री जितेंद्र आव्हाड यांनी एक भावुक पोस्ट करून शरद पवार हे लवकरच पुन्हा महाराष्ट्राच्या सेवेत परततील असा विश्वास व्यक्त केला आहे.

‘अनेक शारीरीक संकटांवर मात करून महाराष्ट्राला पुढे नेण्याचे काम पवार साहेबांनी अनेकवेळा केलं आहे. याही वेळेस सामोरे आलेल्या संकटावर ते मात करतील हा माझाच नाही तर संपूर्ण महाराष्ट्राचा विश्वास आहे. साहेब, लवकरच बरे होऊन पुन्हा आपल्या सगळ्यांमध्ये सामील होतील,’ असं ट्विट जितेंद्र आव्हाड यांनी केलं आहे.

अनेक शारीरीक संकटांवर मात करून महाराष्ट्राला पुढे नेण्याचे काम पवार साहेबांनी अनेकवेळा केलं आहे. याही वेळेस सामोरे आलेल्या संकटावर ते मात करतील हा माझाच नाही तर संपूर्ण महाराष्ट्राचा विश्वास आहे.
साहेब, लवकरच बरे होऊन पुन्हा आपल्या सगळ्यांमध्ये सामील होतील.@PawarSpeaks

— Dr.Jitendra Awhad (@Awhadspeaks) March 29, 2021

मुख्यमंत्री उद्धव ठाकरेंचा पवारांना फोन !

मुख्यमंत्री उद्धव ठाकरे यांनी देखील शरद पवार यांची फोनद्वारे विचारपूस केली आहे. याबाबत शरद पवार यांच्या अधिकृत ट्विटर अकाउंट वरून माहिती देण्यात आली आहे. ‘महाराष्ट्राचे मुख्यमंत्री उद्धव ठाकरे यांनी माझ्या प्रकृतीसंदर्भात अत्यंत आस्थेने विचारपूस केली. त्यांच्या सदिच्छा या महाराष्ट्राच्या प्रातिनिधिक भावना आहेत. मनपूर्वक आभार!’ असं ट्विट करण्यात आलं आहे.

महत्वाच्या बातम्या

• ‘जेव्हा वारंवार महाराष्ट्राचा नेता मर्यादा ओलांडून दिल्लीकडे तोंड करून बघतो, तेव्हा…’
• ऑपरेशन लोटस सुरु ? चंद्रकांतदादा म्हणाले, पहाटेच्या शपथविधी सारखं समजेलच !
• ‘चित्रा वाघ, नवनीत राणा, तृप्ती देसाईंना दिपाली चव्हाण प्रकरणात पॉलिटिकल मायलेज दिसत नाही’
• ‘बांगलादेश लढ्यात मोदींना नेमकी कधी अटक झाली होती? ती माहिती दिल्यास…’
• पवार साहेब-शाहांची भेट झाली नाही, ही काळ्या दगडावराची पांढरी रेघ आहे – जितेंद्र आव्हाड