नवी दिल्ली- भाजपच्या खासदार डॉ. प्रीतम मुंडे यांना केंद्रीय मंत्रिमंडळात स्थान न मिळाल्याने भाजपच्या राष्ट्रीय सचिव पंकजा मुंडे या नाराज असल्याची चर्चा राज्यात सुरू आहे. एका बाजूला मुंडे भगिनी नाराज असल्याची माध्यमांमध्ये चर्चा असताना दुसऱ्या बाजूला काल त्यांनी केंद्रीय अर्थराज्यमंत्री डॉ. भागवत कराड यांनी काल दिल्लीत पंकजा मुंडे यांची भेट घेत त्यांच्याशी जवळपास तासभर चर्चा केली.
डॉ. कराड यांची (स्व.) गोपीनाथ मुंडे यांचे खंदे समर्थक म्हणून ओळख आहे. परंतु मुंडे भगिनींना डावलून वंजारी समाजातील डॉ. कराड यांना भाजप नेतृत्वाकडून पुढे आणले जात आहे, अशी चर्चा मुंडे समर्थकांमध्ये सुरू आहे. अशातच या भेटीमुळे अनेकांच्या भुवया उंचावल्या आहेत. दरम्यान, या वेळी डॉ. कराड यांनी ‘गोपीनाथ मुंडे साहेब आमचे नेते होते, आता पंकजा मुंडे आमच्या नेत्या आहेत,’ अशा शब्दांत कराडांनी भावना व्यक्त केल्या आहेत.
आज @Pankajamunde ताई दिल्ली मध्ये बैठकीसाठी आल्या त्यांची भेट घेतली…मन मोकळे झाले..मुंडे साहेबांची आठवण आवर्जून झाली..मी मंत्री झालो मुंडे साहेब माझे नेते होते आणि आज ताई आहेत..त्यांनीही साहेबांच्या प्रमाणे शुभेच्छा दिल्या..
— Dr Bhagwat Kishanrao Karad (मोदी का परिवार) (@DrBhagwatKarad) July 12, 2021
दरम्यान, पंकजा मुंडे यांनी आज (१३ जुलै) मुंबईत भाजपच्या पदाधिकाऱ्यांची आणि कार्यकर्त्यांची एक बैठक बोलावली आहे. प्रीतम मुंडे यांना केंद्रीय मंत्रिमंडळात स्थान न मिळाल्यानं समर्थक आक्रमक झालेत मुंडे भगिनींना भेटण्यासाठी ते परळीहून मुंबईत दाखल झालेत.
महत्त्वाच्या बातम्या
- एकनाथ खडसेंच्या जावयाच्या कोठडीत वाढ, ईडीकडून चौकशी सत्र सुरूच
- ‘योगींनी दोन मुलांऐवजी जास्त मुलं जन्माला घालावी हे धोरण आणले पाहिजे’
- ‘पंकजा तुम्ही जास्त बोलता…’ ; ‘त्या’ बैठकीत मोदींनी घेतली भाजप नेत्यांची शाळा
- ‘शिवप्रतिष्ठान हिंदुस्थानचे संस्थापक संभाजी भिडे यांना महाराष्ट्रातून तडीपार करा’
- आपण काय बोलतोय याचं भान ठेवलं पाहिजे; शिवसेनेचे पटोलेंना प्रत्युत्तर
