नागपूर : जिल्ह्याचे माजी पालकमंत्री तसेच भाजप नेते संजय देवतळे यांचे आज निधन झाले. त्यांना कोरोनाची लागण झाली होती. मागील काही दिवसांपूसन त्यांच्यावर नागपूरमधील एका खासगी रुग्णालयात उपचार सुरु होते. मात्र, उपचारादरम्यान हृदयविकाराचा झटका आल्यामुळे त्यांची प्राणज्योत मालवली.
संजय देवतळे यांना कोरोनाची लागण होण्यापूर्वी त्यांच्या घरातील एका सदस्याला कोरोनाची लागण झाली होती. त्यानंतर खबरदारी म्हणून त्यांची चाचणी करण्यात आली होती. यामध्ये त्यांना कोरोनाची लागण झाल्याचे निष्पन्न झाल्यानंतर त्यांच्यावर नागपूरमधील एका खासगी रुग्णालयात उपचार सुरु होते. मागील सहा दिवसांपसून हे उपचार सुरु होते. आज अचानक त्यांना हृदयविकाराचा झटका आल्यामुळे त्यांचे निधन झाले.
देवतळे यांनी 2014 पर्यंत तब्बल चार वेळा चंद्रपूर जिल्ह्यातील वरोरा या विधानसभा मतदार संघाचे आमदार म्हणून प्रतिनिधित्व केले आहे. 2014 मध्ये मंत्री असतानाच ते लोकसभेची निवडणूक लढले व पराभव झाला. त्यानंतर 2014 च्या विधानसभा निवडणुकीत ते भाजप कडून रिंगणात उतरले. मात्र त्यावेळी ही त्यांना पराभवाला सामोरे जावे लागले. 2019 मध्ये भाजप शिवसेनेची युती झाली. वरोराची जागा सेनेकडे गेली. त्यामुळे देवतळे हे शिवसेनेकडून लढले. शेवटी 2020 मध्ये गडकरींच्या नेतृत्वात त्यांनी पुन्हा एकदा भाजपमध्ये प्रवेश केला होता.
महत्वाच्या बातम्या
- उस्मानाबादेत ऑक्सिजनचा तुटवडा; विविध कंपन्याकडून ४६ ऑक्सिजन टाक्या घेतल्या ताब्यात!
- घर विकुन पैसे द्या असे म्हणत मारहाण
- ‘लसीकरण केंद्रावर कोरोनाची लस उपलब्ध आहे की नाही याची खात्री करून मगच तेथे जा’
- कटरने प्राणघातक हल्ला करणाऱ्याचा अटकपूर्व जामीन अर्ज फेटाळला
- बीड जिल्ह्यात रेमडेसिविरचा काळाबाजार उघड; तिघांना अटक
बातम्यांसाठी YouTube चॅनेल Subscribe करा
Subscribe Now
