मुंबई : बीड जिल्ह्यातील परळीतील पूजा चव्हाण या तरूणीने पुण्यात जीवन संपवल्याने राजकीय वर्तुळात खळबळ उडाली आहे. ही तरूणी पुण्यात शिकण्यासाठी आलेली होती. मागील आठवड्यात पूजाने तिसऱ्या मजल्यावरून उडी मारून आत्महत्या केली. यानंतर महाविकास आघाडीमधील वनमंत्री संजय राठोड यांचा या मुलीशी संबंध असून काही कथित कॉल रेकॉर्डिंग्स देखील समोर आले आहेत.
गेल्या आठवड्याभरा पासून वनमंत्री संजय राठोड हे गायब आहेत. या आरोपांवर त्यांनी अद्याप कोणत्याही प्रकारचा खुलासा न केल्याने संशय अधिक बळावत असल्याचा आरोप भाजप कडून केला जात आहे. या प्रकरणावर उपमुख्यमंत्री अजित पवार यांनी आज माध्यमांशी संवाद साधताना भाष्य केलं आहे. संजय राठोड यांना पदावरून हटवण्याची भाजपकडून केली जात आहे यावर, ‘ते शिवसेनेचे नेते आहेत. त्यांना पदावरून हटवण्याबाबत शिवसेनाच निर्णय घेऊ शकते’ असं भाष्य अजित पवार यांनी केलं आहे.
‘आताच्या गढीला ती व्यक्ती निराधार आहे. मागे देखील धनानंजय मुंडेंबाबत असे आरोप करण्यात आले होते. तेव्हा माहिती न घेता राजीनामा घेतला असता तर त्यांची बदनामी झाली असती. तक्रारदार महिलेने काय सांगितलं हे आपण पाहिलं आहे. त्यामुळे कोणालाही पाठीशी घालण्याचं कारण नाही. चौकशी पूर्ण होई पर्यंत एखाद्याला दोषी धरणं किंवा पदावरून हटवणं हे योग्य नाही. ते शिवसेनेचे नेते आहेत. त्यांना पदावरून हटवण्याबाबत शिवसेनाच निर्णय घेऊ शकते. पण एक त्रयस्थ म्हणून माझं असं मत आहे कि, चौकशीतून अंतिम अहवाल समोर येत नाही तोपर्यंत धीर ठेवला पाहिजे,’ अशी प्रतिक्रिया अजित पवारांनी दिली आहे.
महत्त्वाच्या बातम्या
- ‘राठोड सर्वांच्या संपर्कात आहेत, त्यांनी कोणताही खुलासा करू नये हा माझा सल्ला’
- ‘पूजा अरुण राठोड’च्या गर्भपाताच्या रिपोर्टमुळे चर्चेला उधाण’
- ईडीप्रकरणी एकनाथ खडसेंना पुन्हा तूर्तास दिलासा !
- याद राखा…विदर्भ आणि मराठवाड्यासाठी आम्ही सरकारला सोडणार नाही; मुनगंटीवारांचा इशारा
- पंजाब निवडणुकांत भाजप भुईसपाट ; शेतकरी आंदोलनाचे पडसाद
बातम्यांसाठी YouTube चॅनेल Subscribe करा
Subscribe Now
