तुम्ही एकदा याचं जळगावात ! तुम्हाला नाथाभाऊची ताकत दाखवतो

मुंबई:साहेब सध्या कोविडचा प्रादुर्भाव आहे म्हणून. नाहीतर या ठिकाणी गर्दी मावली नसती.आताच मी तुम्हाला आमंत्रण देतो हे सगळं एकदा निवळू द्या.आणि मग ‘तुम्ही एकदा याच जळगावात ! तुम्हाला नाथाभाऊची खरी ताकत दाखवतो’ अशी दमदार सिंह गर्जना भाजप बंडखोर आणि नुकतेच राष्ट्रवादी कॉंग्रेसवासी झालेले नेते माजी मंत्री एकनाथ खडसे यांनी आज मुंबईत केली.

आज खडसे यांचा पक्षप्रवेश वाय.बी.चव्हाण सेंटर,मुंबई येथे राष्ट्रवादी कॉंग्रेसचे सर्वेसर्वा शरद पवार यांच्या उपस्थितीत पार पडला.त्यावेळी राष्ट्रवादीचे अनेक जेष्ठ कार्यकर्ते उपस्थित होते.

या प्रसंगी बोलतांना एकनाथ खडसे म्हणाले की ‘ मला थेट दिल्लीश्वरांनी सांगितले होते की तुमचं भाजप मधलं काम आता संपलय तुम्ही राष्ट्रवादी कॉंग्रेस पक्षात जा ! त्यावेळी पवार साहेबांना मी हे सांगितलं देखील होतं.पण साहेबांनी तडका – फडकी निर्णय घेण्यापेक्षा जरा सबुरीने घ्या असं सांगितलं होतं.

मी आज पवार साहेबांचा खरचं खूप आभारी आहे.मला पक्षात स्थान दिलं.आता यांना माझी ताकत कळेल.सध्या कोविड आहे म्हणून एकदा याचा प्रादुर्भाव कमी झाला की पुन्हा एकदा मोठा कार्यक्रम घेऊ असं खडसे यांनी पुढे म्हटलं.

दरम्यान, एकनाथ खडसेंच्या पक्षप्रवेशामुळे अजित पवार नाराज असल्याचे बोलले जात होते पण शरद पवारांनी कुणीही नाराज नाही.असं स्पष्ट सांगितलं म्हणून राष्ट्रवादीत सगळ आलबेल आहे असे आपण म्हणू शकतो.

महत्वाच्या बातम्या-

• ज्येष्ठ क्रिकेटपटू कपिल देव यांना ह्दयविकाराचा झटका
• बिहारमध्ये सत्ता नाही आली तर भाजपा गोर गरिबांकडून लसीचे पैसे घेणार का?
• आता रक्षा खडसे यांनी देखील भाजपला सोडचिट्ठी देऊन राष्ट्रवादीत यावं : अनिल पाटील
• ‘राष्ट्रवादी सर्व भ्रष्ट नेत्यासाठीचे माहेरघर, त्यामुळे खडसेंचा पक्ष प्रवेश आश्चर्यकारक नाही’
• ‘अनिल देशमुख यांनी ‘तो’ निर्णय जाहीर केल्यानंतर भाजपाच्या पोटात गोळा उठला आहे’