आता रक्षा खडसे यांनी देखील भाजपला सोडचिट्ठी देऊन राष्ट्रवादीत यावं : अनिल पाटील

मुंबई : जेष्ठ नेते एकनाथ खडसे यांनी भाजपच्या सदस्यत्वाचा राजीनामा देत सगळ्यांना धक्का दिला. त्यांनतर त्यांनी आपण राष्ट्रवादी कॉंग्रेस पक्षात जात असल्याची घोषणा केली. आज दुपारी ते मुंबईमध्ये राष्ट्रवादी काँग्रेसमध्ये प्रवेश करतील. खडसे कालच मुंबईमध्ये दाखल झाले असून काही मोजकेच समर्थक त्यांच्यासोबत आहेत.

खडसेंपाठोपाठ त्यांच्या कन्या रोहिणी खडसे यांनी देखील घड्याळच हाती बांधलं आहे. भाजपमधील जवळपास १५ आमदार आपल्या संपर्कात असून ते देखील भाजप सोडण्याच्या तयारीत असल्याचा गौप्यस्फोट खडसेंनी केला होता. आज राष्ट्रवादीचे सर्वेसर्वा शरद पवार यांच्या उपस्थितीमध्ये खडसे काही वेळातच राष्ट्रवादी काँग्रेसमध्ये प्रवेश करणार आहेत.

राष्ट्रवादीचे अध्यक्ष शरद पवार व जितेंद्र आव्हाड यांच्यातील बैठक संपवून ते देखील राष्ट्रवादी काँग्रेसच्या कार्यालयात उपस्थित झाले आहेत. एकनाथ खडसे व त्यांच्या कन्या रोहिणी खडसे राष्ट्रवादीची वाट धरली असली तरी एकनाथ खडसेंच्या सुनबाई व भाजप खासदार रक्षा खडसे या मात्र भाजपमध्येच आहेत. अमळनेरचे राष्ट्रवादी काँग्रेसचे आमदार अनिल पाटील यांनी रक्षा खडसेंनी देखील राष्ट्रवादीत यावं अशी साद घातली आहे. पक्षप्रवेशाचा सोहळा सुरु झाला असून अजूनही खडसेंच्या मंत्रिपदावरून वा इतर जबाब्दारीवरून कोणतीही स्पष्टता करण्यात आलेली नाही.

महत्वाच्या बातम्या-

• ज्येष्ठ क्रिकेटपटू कपिल देव यांना ह्दयविकाराचा झटका
• बिहारमध्ये सत्ता नाही आली तर भाजपा गोर गरिबांकडून लसीचे पैसे घेणार का?
• कौतुक तर व्हायलाच पाहिजे ! भारतीय नौदलात महिला वैमानिकांची पहिली तुकडी कार्यरत
• ‘राष्ट्रवादी सर्व भ्रष्ट नेत्यासाठीचे माहेरघर, त्यामुळे खडसेंचा पक्ष प्रवेश आश्चर्यकारक नाही’
• ‘अनिल देशमुख यांनी ‘तो’ निर्णय जाहीर केल्यानंतर भाजपाच्या पोटात गोळा उठला आहे’